ទីស្តីការក្រសួង៖ វេលាម៉ោង ៩ ព្រឹកថ្ងៃទី២៨ ខែមេសា ឆ្នាំ២០១៤ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល បានទទួលជួបពិភាក្សាការងារជាមួយ ឯកឧត្តម Joachim Baron von Marschallឯកអគ្គរដ្ឋទូតវិសមញ្ញ និងពេញសមត្ថភាពសហពន្ធ័អាឡឺម៉ង់ប្រចាំនៅ ព្រះរាជាណាចក្រកម្ពុជា។ ជម្រាបជូនភាគីភ្ញៀវនាឱកាសនោះ ឯកឧត្តមរដ្ឋមន្ត្រីបានលើកឡើងពីការបង្កើតក្រសួងរ៉ែ និងថាមពល និងតួនាទី និងភារកិច្ចនិងទស្សនៈវិស័យ របស់ក្រសួង។ ឯកឧត្តមឯកអគ្គរដ្ឋទូត បានសំដែងនូវការអបអរ សាទរចំពោះឯកឧត្តមរដ្ឋមន្ត្រីដែលត្រូវរាជរដ្ឋាភិបាលប្រគល់ភារកិច្ច ឲ្យដឹកនាំក្រសួង រ៉ែ និងថាមពល និងបានលើកយកពីកង្វល់មួយចំនួនរបស់អង្គការសង្គមស៊ីវិលមួយ ចំនួនអំពីការសាងសង់ទំនប់វារីអគ្គិសនីនៅខេត្តកោះកុង និងតាមដងទន្លេមេគង្គ ទស្សនៈរបស់ក្រសួងលើវិស័យធនធានរ៉ែ ប្រេងកាត និងឧស្ម័ន។ ជាកិច្ចឆ្លើយតប ឯកឧត្តមរដ្ឋមន្ត្រីបានបំភ្លឺអំពីលក្ខណៈបច្ចេកទេស និងការដោះស្រាយសំណងផលប៉ះពាល់ប្រជាពលរដ្ឋ និងបរិស្ថានដែលអាចកើតឡើងដោយសារការសាងសង់ទំនប់វារី អគ្គិសនីនានា និងបានជម្រាបជូនថា រហូតមកដល់ពេលនេះ កម្ពុជា មិនទាន់បានអនុម័តឲ្យមានការសាងសង់ ទំនប់វារីអគ្គិសនីនៅតាម ដងទន្លេមេគង្គនៅឡើយទេ ចំពោះវិស័យរ៉ែ គឺមានក្រុមហ៊ុនមួយចំនួនកំពុងធ្វើការសិក្សាស្រាវជ្រាវរុករក និងក្រុមហ៊ុមមួយចំនួនទៀតបានអាជ្ញាបណ្ណ័ធ្វើអាជីវកម្មពីរាជរដ្ឋាភិបាល និងបានកំពុងរៀបចំខ្សែសង្វាក់ផលិកតកម្ម ចំណែកឯវិស័យប្រេងកាតវិញគឺក្រសួងនឹងបន្តធ្វើនូវកិច្ចការដែល បន្សល់ទុកពីអតីតអាជ្ញាធរជាតិប្រេងកាតកម្ពុជា ហើយរហូតមកដល់ពេលនេះមានក្រុមហ៊ុនមួយចំនួនបានសុំចាប់ផ្តើម ធ្វើអាជីវកម្ម ប៉ុន្តែយើងនៅរង់ចាំច្បាប់ប្រេកាតសិន។ ឯកឧត្តម ឯកឧត្តមរដ្ឋទូតបានថ្លែងអំណរគុណចំពោះការបកស្រាយបំភ្លឺ និងសូមគាំទ្រនូវការអនុវត្ត និងដំណោះស្រាយរបស់រាជរដ្ឋាភិបាល។
ច័ន្ទ 28 មេសា 2014 | បានអាន 3234
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
