កិច្ចប្រជុំដើម្បីរៀបចំផែនការសកម្មភាពការងាររបស់ក្រសួងរ៉ែ និងថាមពលប្រចាំឆ្នាំ២០១៤
 ទីស្តីការក្រសួង៖ កិច្ចប្រជុំដើម្បីរៀបចំផែនការសកម្មភាពការងាររបស់ក្រសួងរ៉ែ និងថាមពលប្រចាំឆ្នាំ២០១៤ ត្រូវបានប្រារព្វឡើងនាវេលាព្រឹក ថ្ងៃទី ០៥ ខែឧសភា ឆ្នាំ២០១៤ ក្រោមអធិបតីភាពឯកឧត្តមរដ្ឋមន្ត្រី ស៊ុយ សែម និងមានការចូលរួមដោយ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ទីប្រឹក្សាក្រសួង អគ្គនាយកនៃអគ្គនាយកដ្ឋាន ប្រធាននាយកដ្ឋាននានា ចំណុះទីស្តីការក្រសួង។

ជាកិច្ចចាប់ផ្តើម ឯកឧត្តមរដ្ឋមន្ត្រី បានឧទេ្ទសនាមថ្នាក់ដឹកនាំក្រសួងថ្មីចំនួន ០៧ រូបដែលត្រូវបានទទួលការតែងតាំងក្នុងនោះមាន៖ 

១-ឯកឧត្តម នួន សំភា ជាទីប្រឹក្សាអម ក្រសួងរ៉ែ និងថាមពល មានឋានៈស្មើរដ្ឋលេខាធិការ
២-ឯកឧត្តម កៅ ល្អប្រពៃ ជាអនុរដ្ឋលេខាធិការក្រសួងរ៉ែ និងថាមពល 
៣-លោក ហួយ វុត្ថា ជាប្រធាននាយកដ្ឋានសិក្សាស្រាវជ្រាវប្រេងកាត 
៤-លោក ជា ចន្ទ័ណារ៉ា ជាប្រធាននាយកដ្ឋានបច្ចេកវិទ្យាប្រេងកាត គាំទ្រកិច្ចប្រតិបត្តិការ និង សន្តិសុខថាមពល
៥-លោក នាង ស៊ីវុត្ថា ជាប្រធាននាយកដ្ឋានគ្រប់គ្រងគម្រោងសម្បទានប្រេងកាត
៦-លោក ជា សុជាតិ ជាប្រធាននាយកដ្ឋានកិច្ចការប្រេងកាតអន្តរជាតិ
៧-លោកស្រី ស៊ន សុមុលីន សម្រួលភារកិច្ចពីប្រធាននាយកដ្ឋាននីត្យានុកូលមាត្រាសាស្ត្រ មកជាប្រធាននាយកដ្ឋានជំរុញ និងអភិវឌ្ឍធនធានប្រេងកាត 

ជាកម្មវិធីបន្ទាប់ឯកឧត្តមរដ្ឋមន្ត្រីបានដឹកនាំកិច្ចប្រជុំរៀបចំផែនការ សកម្មភាពការងាររបស់ក្រសួងរ៉ែ និងថាមពលប្រចាំឆ្នាំ២០១៤ ដោយបានអនុញ្ញាតឲ្យអគ្គនាយកដ្ឋានជំនាញ ទាំងអស់បានធ្វើបទបង្ហាញពីផែនការសកម្មភាពការងារបស់ខ្លួនដូចជា អគ្គនាយកដ្ឋានកិច្ចការទូទៅ អគ្គនាយកដ្ឋានធនធានរ៉ែ អគ្គនាយកដ្ឋានថាមពល អគ្គនាយកដ្ឋានប្រេងកាត អគ្គាធិការដ្ឋាននិងនាយកដ្ឋានសវកម្មផ្ទៃក្នុង ។ នៅក្នុងបទបង្ហាញរបស់អគ្គនាយកដ្ឋាននីមួយៗ មានកិច្ចពិភាក្សា ការបកស្រាយបំភ្លឺ យ៉ាងផុលផុសពាក់ពន្ធ័ទៅហ្នឹងវិស័យនីមួយៗដែលមានកិច្ចការងារ គន្លឹះសំខាន់ៗដូចជា ការរៀបចំលិខិតបទដ្ឋានគតិយុត្តិ ការលើកផែនការចំណាយសម្រាប់សកម្មភាពការងារនីមួយៗ ផែនការថវិកាប្រចាំឆ្នាំ ផែនការរៀបចំទីកន្លែងសម្រាប់បំពេញការងាររបស់អគ្គនាយកដ្ឋាន នានាមន្ទីររាជធានី-ខេត្ត ការបង្កើតសហជីបមន្ត្រីរាជការប្រចាំក្រសួង ការបង្កើតសមាគមមន្ត្រីរាជការ ការបំពាក់បំប៉ន បណ្តុះបណ្តាលសមត្ថភាពមន្ត្រីរាជការ ការពង្រឹងសកម្មភាពការងារស្នូល ការបង្កើនកិច្ចសហប្រតិបត្តិការជាមួយបណ្តាដៃគូនានា ការបង្កើនការគ្រប់គ្រងកិច្ចការប្រមូលចំណូលចូលរដ្ឋ ហើយផែនការសកមុ្មភាពរបស់អគ្គនាយកដ្ឋាននីមួយៗ ត្រូវបានអង្គប្រជុំអនុម័តដោយស្មារតីទទួលខុសត្រូវខ្ពស់។
ច័ន្ទ 05 ឧសភា 2014  |  បានអាន 1091
អង្គភាពក្រោមឱវាទ
ថ្ងៃនេះ :
00651
ម្សិលមិញ :
00930
សរុប :
01086751
Flag Counter