រាជធានីភ្នំពេញ ៖ សមាគមនារីដើម្បីសន្តិភាពនិងអភិវឌ្ឍន៍ក្រសួងរ៉ែ និងថាមពល ត្រូវបានប្រកាសទទួលស្គាល់ជាផ្លូវការនារសៀលថ្ងៃទី១៨ ខែកក្កដា ឆ្នាំ២០១៤ នៅសណ្ឋាគារភ្នំពេញក្រោមអធិបតីភាពលោកជំទាវបណ្ឌិត ម៉ែន សំអនឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភាព្រឹទ្ធសភា និងអធិការកិច្ច និងជាប្រធានគណៈកម្មាធិការសមាគមនារីកម្ពុជាដើម្បីសន្តិភាពនិងអភិវឌ្ឍន៍អមដំណើរដោយឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពលលោកជំទាវ ជា ខេង ប្រធានកិត្តិយសសមាគមនារីដើម្បីសន្តិភាពនិងអភិវឌ្ឍន៍ក្រសួងរ៉ែ និងថាមពល លោកជំទាវមានសំអានសមាជិកព្រឹទ្ធសភានិងជាអនុប្រធានគណៈកម្មាធិការសមាគមនារីកម្ពុជាដើម្បីសន្តិភាពនិងអភិវឌ្ឍន៍ព្រមទាំងថ្នាក់ដឹកនាំក្រសួងពាក់ព័ន្ធថ្នាក់ដឹកនាំមន្ត្រីរាជការនៃគ្រប់អគ្គនាយកដ្ឋានចំណុះក្រសួងរ៉ែ និងថាមពលអាជ្ញាធរអគ្គិសនីកម្ពុជាអគ្គិសនីកម្ពុជា ប្រមាណ ១៦០ នាក់។
ថ្លែងក្នុងសនុ្ទរកថាស្វាគមន៏នាឱកាសនោះឯកឧត្តមស៊ុយ សែម បានសំដែងនូវការកោតសរសើរចំពោះស្មារតីសាមគ្គីភាពឯកភាពផ្ទៃក្នុងក្នុងការប្រមូលផ្តុំជាសមាគមនារីនេះឡើងដើម្បីចូលរួមក្នុងសកកម្មភាពនានារបស់សង្គម ។
មានមតិសំណេះសំណាលផ្តាំផ្ញើរដល់អង្គពិធីទាំងមូលលោកជំទាវបណ្ឌិត ម៉ែន សំអន ឧបនាយករដ្ឋមន្ត្រី បានមានប្រសាន៍ថាសមាគមនារីដើម្បីសន្តិភាព និងអភិវឌ្ឍន៍ បានប្រមែប្រមូលនូវកម្លាំងជាច្រើនក្នុងការរួមចំណែកកែប្រែមុខមាត់ថ្មីរបស់នារី តាមរយៈការធ្វើឲ្យនារីយល់ដឹងអំពីសិទ្ធិ និង តួនាទីរបស់ខ្លួននៅក្នុងសង្គម ដើម្បីលុបបំបាត់ចោលជាបណ្តើរៗនូវទស្សនៈមើលស្រាល ខ្វះជំនឿទុកចិត្តលើខ្លួនឯង និងស្រ្តីដូចគ្នា និង ខិតខំបង្កើនសមត្ថភាពស្រ្តីចូលរួមចំណែកក្នុងសង្គម ។លោកជំទាវក៏បានអំពាវនាវ ដល់មន្រ្តីរាជការបម្រើការងារនៅក្នុងក្រសួងរ៉ែ និង ថាមពលឲ្យបន្តធ្វើបច្ចុប្បន្នភាព និងពង្រឹងចំណេះដឹងរបស់ខ្លួនឲ្យមានការវិវត្តន៍រីកចម្រើនជាលំដាប់ និងធានាការផ្តល់សេវាជូនប្រជាជនឲ្យកាន់តែល្អប្រសើរថែមទៀតដូចជាការខិតខំការពារនូវសមិទ្ធផលដែលបានកសាង សំដៅរួមចំណែកឲ្យសម្រេចគោលដៅនៃការកាត់បន្ថយភាពក្រីក្រ។
នៅក្នុងពិធីនោះ លោកជំទាវបណ្ឌិត ម៉ែន សំអន ឧបនាយករដ្ឋមន្ត្រី បានផ្តល់កិត្តិយសប្រគល់សេចក្តីសម្រេចនិងត្រាសមាគមនារីកម្ពុជាដើម្បីសន្តិភាពនិងអភិវឌ្ឍន៍ ដល់លោកស្រី តី ដានី អគ្គនាយករងកិច្ចការទូទៅនិងប្រធានប្រតិបត្តិគណៈកម្មាការសាខាសមាគមនារីប្រចាំក្រសួងរ៉ែនិងថាមពល។
គួសបញ្ជាក់ផងដែរថា ស្ថានភាពនារីក្រសួងរ៉ែ និងថាមពលសរុបមានចំនួន៤៥៥នាក់ រួមមាននារីទីស្តីការក្រសួងមានចំនួន៧៨នាក់នារីអគ្គិសនីកម្ពុជា៣៦២នាក់ នារីអាជ្ញាធរអគ្គិសនីកម្ពុជា ១៥នាក់។
សុក្រ 18 កក្កដា 2014 | បានអាន 2900