យោងតាមលិខិតរបស់ស្ថានទូតឥណ្ឌាប្រចាំកម្ពុជាលេខ PHN/NV/2014- 35 ចុះថ្ងៃទី២២ ខែតុលា ឆ្នាំ២០១៤ ក្រសួងរ៉ែ និងថាមពល មានកិត្តិយសសូមជូនដំណឹងដល់ក្រុមហ៊ុនទាំងអស់ដែលមានបំណងចង់ចូលរួមការតាំងពិព័រណ៌ស្តីពីការវិនិយោគលើថាមពល កកើតឡើងវិញជាសកលសូមជ្រាបថា ពិព័រណ៌ស្តីពីការវិនិយោគលើថាមពលកកើតឡើងវិញជាសកល នឹងប្រព្រឹត្តទៅចាប់ពីថ្ងៃទី ១៥ ដល់១៧ ខែកុម្ភះ ឆ្នាំ២០១៥ នៅ Vigyan Bhawan និង Pragti Maidan ទីក្រុង New Delhi ប្រទេសឥណ្ឌា ដែលរៀបចំឡើងដោយក្រសួងថាមពលថ្មី និងថាមពលកកើតឡើងវិញនៃប្រទេសឥណ្ឌា សហការជាមួយសភាពាណិជ្ជកម្ម និងឧស្សាហកម្មនៃប្រទេសឥណ្ឌា។
គោលបំណងនៃការតាំងពិព័រណ៌នេះ គឺដើម្បីលើកស្ទួយប្រទេសឥណ្ឌាអោយក្លាយជាទិសដៅវិនិយោគសម្រាប់វិស័យថាមពលកកើតឡើងវិញ ដែលផ្តោតសំខាន់លើការពង្រីកវិសាលភាពនៃការវិនិយោគជាសកលទៅលើវិស័យថាមពលកកើតឡើងវិញ ដែលទទួលបានផលពី ៦លានកោតក្នុងមួយឆ្នាំនាពេលបច្ចុប្បន្នអោយកើនដល់ ២០លានកោតក្នុងមួយឆ្នាំ។ សូមបញ្ជាក់ថា នេះគឺជាការតាំពិព័រណ៌មួយដ៏ធំដែលបានបង្ហាញពីវិសាលភាពនៃការវិនិយោគលើវិស័យថាមពលកកើតឡើងវិញរបស់ឥណ្ឌាទៅលើសមត្ថភាពឧស្សាហកម្ម និងបច្ចេកវិទ្យាថ្មីៗ។
សម្រាប់ព័ត៌មានបន្ថែមសូមទំនាក់ទំនងមន្ត្រីស្ថានទូតឥណ្ឌាប្រចាំកម្ពុជាតាមរយៈ Email: caembindia@gmail.com និងទូរស័ព្ទលេខៈ 012-656-042។ សូមអរគុណ!
សុក្រ 14 វិច្ឆិកា 2014 | បានអាន 3211
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
