ក្រសួងរ៉ែ និងថាមពល រៀបចំសន្និបាតបូកសរុបលទ្ធផលការងារឆ្នាំ ២០១៥ និងលើកទិសដៅឆ្នាំ ២០១៦ រយៈពេលពីរថ្ងៃ ២០ និង ២១ ខែមករា ឆ្នាំ ២០១៦ នៅសណ្ឋាគារសុខាភ្នំពេញ
រាជធានីភ្នំពេញ ៖ នាព្រឹកថ្ងៃទី ២០ ខែមករា ឆ្នាំ ២០១៦ នេះ ក្រសួងរ៉ែ និងថាមពល បានរៀបចំបើក សន្និបាតបូកសរុបលទ្ឋផលការងាររបស់ខ្លួននៅសណ្ឋាការសុខាភ្នំពេញ ក្រោមអធិបតីភាពលោក ស៊ុយ សែម រដ្ឋមន្ត្រី ក្រសួងរ៉ែ និងថាមពល ដោយមានការអញ្ជើញចូលរួមពីថ្នាក់ដឹកនាំក្រសួងរ៉ែ និងថាមពល ប្រធានអាជ្ញាធរ អគ្គិសនីកម្ពុជា អគ្គនាយកអគ្គិសនីកម្ពុជា ថ្នាក់ដឹកនាំប្រធានមន្ទីររ៉ែ និងថាពលខេត្ត-រាជធានី មន្ត្រីរាជការ ប្រមាណ៣០០ នាក់។
មានមតិក្នុងពិធីបើកអង្គសន្និបាត លោករដ្ឋមន្ត្រីបានលើកឡើងថា ឆ្នាំនេះពោរពេញទៅដោយព្រឹត្តិការណ៍សម្រាប់ក្រសួងរ៉ែ និងថាមពលរបស់យើងក្នុងនោះព្រឹត្តិការណ៍ធំៗគួរឱ្យកត់សម្គាល់មានដូចជា៖
- ការដាក់ឱ្យដំណើរការវារីអគ្គិសនីចំនួនពីរបន្ថែមទៀតគឺ វារីអគ្គិសនីស្ទឹងឬស្សីជ្រុំក្រោម និងវារីអគ្គិសនីស្ទឹងតាតៃ និងរោងចក្រផលិតអគ្គិសនីដោយធ្យូងថ្មមួយនៅក្រុងព្រះសីហនុ ដែលមានអនុភាពសរុប ៧១៩ មេហ្គាវ៉ាត់
- ការអនុវត្តគោលនយោបាយផែនការយុទ្ធសាស្រ្តដើម្បីបន្ថយអត្រា និងគម្លាតថ្លៃលក់អគ្គិសនី
- ការដោះស្រាយបញ្ហាថ្លៃអគ្គិសនីដល់កម្មករ កម្មការនី សិស្ស និសិ្សត តាមរយៈការតភ្ជាប់ចរន្តអគ្គិសនីផ្ទាល់ដល់កន្លែងបន្ទប់ជួលបានចំនួនប្រមាណ ២០៧,០០០បន្ទប់ជួល
- ការដោះស្រាយបានទាំងស្រុងនូវវិបត្តិកង្វះខាតការផ្គត់ផ្គង់និងការឡើងថ្លៃខ្សាច់សំណង់ នៅរាជធានីភ្នំពេញ និងការលប់បំបាត់សកម្មភាពអាជីវកម្មបូមខ្សាច់អាណាធិបតេយ្យនៅតាមដងទន្លេមេគង្គ និងទន្លេបាសាក់
- ការអនុវត្តប្រកបដោយជោគជ័យនូវកំណែទម្រង់យន្តការប្រមូលចំណូលមិនមែនសារពើពន្ធពីវិស័យរ៉ែ និងប្រេងកាត ជាដើម។ លោករដ្ឋមន្ត្រីក៏បានបន្ថែមជូនទៀតថា ឆ្នាំ២០១៥ កន្លងនេះ ការអនុវត្តកម្មវិធីកំណែទម្រង់សំខាន់ៗក្នុងវិស័យរ៉ែ ប្រេងកាត និងថាមពល ត្រូវបានអនុវត្តប្រកបដោយប្រសិទ្ធភាព និងទទួលបានលទ្ធផលគួរជាទីមោទនៈ។ ក្រសួងបានយកចិត្តទុកដាក់លើការអនុវត្តសកម្មភាពអាទិភាពសំខាន់ៗរួមមាន ការកសាងនិងពង្រឹងសមត្ថភាពស្ថាប័នកិច្ច ការពង្រឹងប្រសិទ្ធិភាពអភិបាលកិច្ច ការគ្រប់គ្រងប្រតិបត្តិការរ៉ែនិងប្រេងកាត និងបន្តការអភិវឌ្ឍវិស័យថាមពល ដោយសង្កត់ធ្ងន់លើ ការកសាងលិខិតបទដ្ឋានគតិយុត្តសំខាន់ៗសម្រាប់វិស័យរ៉ែ ប្រេងកាត និងថាមពល ការរៀបចំឡើងវិញផ្នែកស្ថាប័នកិច្ច ការបណ្តុះបណ្តាល និងកសាងសមត្ថភាពមន្រ្តីរាជការ ការរឹតបន្តឹងការត្រួតពិនិត្យ និងប្រសិទ្ធភាពនៃការអនុវត្តកាតព្វកិច្ច កិច្ចព្រមព្រៀងវិនិយោគទុនធនធានរ៉ែ កិច្ចព្រមព្រៀងប្រេងកាត ការរៀបចំយន្តការផ្តល់អាជ្ញាបណ្ណ ឬកិច្ចព្រមព្រៀងវិនិយោគទុនធនធានរ៉ែថ្មី ប្រកបដោយតម្លាភាព និងការទទួលខុសត្រូវទាំងបរិស្ថាន សេដ្ឋកិច្ច និងសង្គម ការពង្រឹងគុណភាពនិងប្រសិទ្ធភាពនៃការប្រមូលចំណូលមិនមែនសារពើពន្ធពីវិស័យរ៉ែនិងប្រេងកាត ការរៀបចំយន្តការ និងក្របខ័ណ្ឌអនុវត្តន៍ដើម្បីពង្រឹងស្តង់ដារសុវត្ថិភាពបរិស្ថាន និងសង្គម និងការវាយតម្លៃយុទ្ធសាស្រ្តនៃផែនការបរិស្ថានក្នុងគម្រោងអាជីវកម្មរ៉ែនិងប្រេងកាត ការរៀបចំ និងអនុវត្តតាមផែនការយុទ្ធសាស្រ្តដើម្បីបន្ថយអត្រា និងគម្លាតថ្លៃលក់អគ្គិសនី ការកែសម្រួលផែនការអភិវឌ្ឍវិស័យថាមពលអគ្គិសនី។ ក្រសួងបានផ្អាកជាបណ្តោះអាសន្ននូវការផ្តល់អាជ្ញាបណ្ណធនធានរ៉ែសម្រាប់ការសិក្សាស្វែងរុករករ៉ែ និងបានប្រមូលផ្តុំកំលាំងសរុប និងធនធានសរុបជំរុញការដោះស្រាយ និងគ្រប់គ្រងបានលើសកម្មភាពអាជីវកម្មបូមខ្សាច់អនាធិបតេយ្យ និងការចាត់វិធានការជំរុញឲ្យមានការកាត់បន្ថយបានជាអតិបរិមានូវសកម្មភាពជីករ៉ែអាណាធិបតេយ្យផ្សេងៗទៀត នៅលើក្របខ័ណ្ឌទូទាំងប្រទេស។ យើងបានលុបកិច្ចព្រមព្រៀងរ៉ែចំនួន ២៤ ព្យួរអាជ្ញាបណ្ណអាជីវកម្មរ៉ែចំនួន២ ហើយនឹងកំពុងបន្តពិនិត្យ និងលុបជាបន្តបន្ទាប់ទៀត ចំពោះកិច្ចព្រមព្រៀងណាដែលពុំមានសកម្មភាព ឬពុំមានភាពអនុលោមតាមច្បាប់ ឬលក្ខខណ្ឌនៃកិច្ចព្រមព្រៀង។ មានកិច្ចព្រមព្រៀងប្រេងកាតចំនួន២ (Block B និង Block F) ត្រូវបានលុប ក្នុងឆ្នាំ២០១៥នេះ។ ទន្ទឹមនេះ ក្រសួងក៏បានរៀបចំសេចក្តីព្រាងច្បាប់ប្រេងកាត អនុក្រឹត្យប្រេងកាត និងគំរូកិច្ចព្រមព្រៀងប្រេងកាតថ្មី សំដៅបង្កើតនូវក្របខណ្ឌបញ្ញត្តិកម្មលើវិស័យនេះ ទាំងផ្នែកUpstream និងផ្នែកDownstream ហើយនឹងបានអនុម័តដាក់ឱ្យអនុវត្តជាបណ្តើរៗនូវបទបញ្ញត្តិគ្រប់គ្រងបច្ចេកទេសសុវត្ថិភាពស្ថានីយប្រេង និងឧស្ម័ន ដែលពុំធ្លាប់មានពីមុនមក។
ទន្ទឹមនិងលទ្ធផលខាងលើនេះ ក្រសួងក៏ជំរុញបានប្រកបដោយជោគជ័យ នូវប្រសិទ្ធិភាពនៃការប្រមូលចំណូលជាតិ ផ្នែកមិនមែនសារពើពន្ធ ពីវិស័យរ៉ែនិងប្រេងកាត តាមរយៈការដាក់ឲ្យអនុវត្តនូវកំណែទម្រង់ថ្មីនៃយន្តការប្រមូលសួយសារលើតម្លៃធនធានរ៉ែ។ ក្នុងឆ្នាំ២០១៥នេះ ចំណូលជាតិផ្នែកមិនមែនសារពើពន្ធ ដែលប្រមូលបាន ពីវិស័យរ៉ែ និងប្រេងកាតនេះ មានចំនួនស្មើនឹង ១៧,២៥៦,១៧៧ដុល្លារ កើនឡើងប្រមាណ ៤ដង ប្រៀបធៀបរយៈពេលដូចគ្នា នៅឆ្នាំ ២០១៤។
ឆ្លងតាមលទ្ធផលទាំងនេះ យើងអាចវាយតម្លៃបានថាឆ្នាំ២០១៥កន្លងនេះ គឺជាឆ្នាំនៃការស្ថាបនា និងការកសាងថ្មី។ មានការរៀបចំស្ថាប័នកិច្ច យន្តការ និងប្រព័ន្ធអភិបាលកិច្ចថ្មីៗ ជាច្រើនត្រូវបានបង្កើតឡើង និងដាក់ចេញឱ្យអនុវត្ត។ ក្នុងបរិបទនេះ ខ្ញុំសូមឲ្យអង្គសន្និបាតទាំងមូល ផ្តោតការពិនិត្យ និងពិភាក្សាក្នុងរយៈពេលនៃសន្និបាតក្រសួងនេះ វាយតម្លៃឡើងវិញឲ្យបានហ្មត់ចត់អំពីលទ្ធផល មេរៀនបទពិសោធន៍ និងបញ្ហាប្រឈមកន្លងមក របស់វិស័យរ៉ែ និងប្រេងកាត ។
សម្រាប់ឆ្នាំ២០១៦ បណ្តាក្របខ័ណ្ឌការងារយុទ្ធសាស្រ្តដែលមានក្នុងឆ្នាំ ២០១៥ ទាំងអស់នឹងត្រូវជំរុញអនុវត្តជាបន្តទៀត។ ទន្ទឹមនេះ លោករដ្ឋមន្ត្រីក៏បានជំរុញឲ្យមានភាពច្នៃប្រឌិតខ្ពស់ និងការខិតខំបន្ថែមទៀតពីសំណាក់ថ្នាក់ដឹកនាំទទួលបន្ទុក អគ្គនាយកដ្ឋាន នាយកដ្ឋាន មន្ទីររាជធានី-ខេត្ត និងអង្គភាពពាក់ព័ន្ធ ក្នុងការអនុវត្តក្របខ័ណ្ឌការងារយុទ្ធសាស្រ្តទាំងអស់ដែលបានដាក់ចេញ ដើម្បីជំរុញឲ្យយើងអាចវាយតម្លៃបានថាឆ្នាំ២០១៦ គឺជាឆ្នាំនៃសកម្មភាពនិងការចូលរួម។
រាជធានីភ្នំពេញ ៖ នាព្រឹកថ្ងៃទី ២០ ខែមករា ឆ្នាំ ២០១៦ នេះ ក្រសួងរ៉ែ និងថាមពល បានរៀបចំបើក សន្និបាតបូកសរុបលទ្ឋផលការងាររបស់ខ្លួននៅសណ្ឋាការសុខាភ្នំពេញ ក្រោមអធិបតីភាពលោក ស៊ុយ សែម រដ្ឋមន្ត្រី ក្រសួងរ៉ែ និងថាមពល ដោយមានការអញ្ជើញចូលរួមពីថ្នាក់ដឹកនាំក្រសួងរ៉ែ និងថាមពល ប្រធានអាជ្ញាធរ អគ្គិសនីកម្ពុជា អគ្គនាយកអគ្គិសនីកម្ពុជា ថ្នាក់ដឹកនាំប្រធានមន្ទីររ៉ែ និងថាពលខេត្ត-រាជធានី មន្ត្រីរាជការ ប្រមាណ៣០០ នាក់។
មានមតិក្នុងពិធីបើកអង្គសន្និបាត លោករដ្ឋមន្ត្រីបានលើកឡើងថា ឆ្នាំនេះពោរពេញទៅដោយព្រឹត្តិការណ៍សម្រាប់ក្រសួងរ៉ែ និងថាមពលរបស់យើងក្នុងនោះព្រឹត្តិការណ៍ធំៗគួរឱ្យកត់សម្គាល់មានដូចជា៖
- ការដាក់ឱ្យដំណើរការវារីអគ្គិសនីចំនួនពីរបន្ថែមទៀតគឺ វារីអគ្គិសនីស្ទឹងឬស្សីជ្រុំក្រោម និងវារីអគ្គិសនីស្ទឹងតាតៃ និងរោងចក្រផលិតអគ្គិសនីដោយធ្យូងថ្មមួយនៅក្រុងព្រះសីហនុ ដែលមានអនុភាពសរុប ៧១៩ មេហ្គាវ៉ាត់
- ការអនុវត្តគោលនយោបាយផែនការយុទ្ធសាស្រ្តដើម្បីបន្ថយអត្រា និងគម្លាតថ្លៃលក់អគ្គិសនី
- ការដោះស្រាយបញ្ហាថ្លៃអគ្គិសនីដល់កម្មករ កម្មការនី សិស្ស និសិ្សត តាមរយៈការតភ្ជាប់ចរន្តអគ្គិសនីផ្ទាល់ដល់កន្លែងបន្ទប់ជួលបានចំនួនប្រមាណ ២០៧,០០០បន្ទប់ជួល
- ការដោះស្រាយបានទាំងស្រុងនូវវិបត្តិកង្វះខាតការផ្គត់ផ្គង់និងការឡើងថ្លៃខ្សាច់សំណង់ នៅរាជធានីភ្នំពេញ និងការលប់បំបាត់សកម្មភាពអាជីវកម្មបូមខ្សាច់អាណាធិបតេយ្យនៅតាមដងទន្លេមេគង្គ និងទន្លេបាសាក់
- ការអនុវត្តប្រកបដោយជោគជ័យនូវកំណែទម្រង់យន្តការប្រមូលចំណូលមិនមែនសារពើពន្ធពីវិស័យរ៉ែ និងប្រេងកាត ជាដើម។ លោករដ្ឋមន្ត្រីក៏បានបន្ថែមជូនទៀតថា ឆ្នាំ២០១៥ កន្លងនេះ ការអនុវត្តកម្មវិធីកំណែទម្រង់សំខាន់ៗក្នុងវិស័យរ៉ែ ប្រេងកាត និងថាមពល ត្រូវបានអនុវត្តប្រកបដោយប្រសិទ្ធភាព និងទទួលបានលទ្ធផលគួរជាទីមោទនៈ។ ក្រសួងបានយកចិត្តទុកដាក់លើការអនុវត្តសកម្មភាពអាទិភាពសំខាន់ៗរួមមាន ការកសាងនិងពង្រឹងសមត្ថភាពស្ថាប័នកិច្ច ការពង្រឹងប្រសិទ្ធិភាពអភិបាលកិច្ច ការគ្រប់គ្រងប្រតិបត្តិការរ៉ែនិងប្រេងកាត និងបន្តការអភិវឌ្ឍវិស័យថាមពល ដោយសង្កត់ធ្ងន់លើ ការកសាងលិខិតបទដ្ឋានគតិយុត្តសំខាន់ៗសម្រាប់វិស័យរ៉ែ ប្រេងកាត និងថាមពល ការរៀបចំឡើងវិញផ្នែកស្ថាប័នកិច្ច ការបណ្តុះបណ្តាល និងកសាងសមត្ថភាពមន្រ្តីរាជការ ការរឹតបន្តឹងការត្រួតពិនិត្យ និងប្រសិទ្ធភាពនៃការអនុវត្តកាតព្វកិច្ច កិច្ចព្រមព្រៀងវិនិយោគទុនធនធានរ៉ែ កិច្ចព្រមព្រៀងប្រេងកាត ការរៀបចំយន្តការផ្តល់អាជ្ញាបណ្ណ ឬកិច្ចព្រមព្រៀងវិនិយោគទុនធនធានរ៉ែថ្មី ប្រកបដោយតម្លាភាព និងការទទួលខុសត្រូវទាំងបរិស្ថាន សេដ្ឋកិច្ច និងសង្គម ការពង្រឹងគុណភាពនិងប្រសិទ្ធភាពនៃការប្រមូលចំណូលមិនមែនសារពើពន្ធពីវិស័យរ៉ែនិងប្រេងកាត ការរៀបចំយន្តការ និងក្របខ័ណ្ឌអនុវត្តន៍ដើម្បីពង្រឹងស្តង់ដារសុវត្ថិភាពបរិស្ថាន និងសង្គម និងការវាយតម្លៃយុទ្ធសាស្រ្តនៃផែនការបរិស្ថានក្នុងគម្រោងអាជីវកម្មរ៉ែនិងប្រេងកាត ការរៀបចំ និងអនុវត្តតាមផែនការយុទ្ធសាស្រ្តដើម្បីបន្ថយអត្រា និងគម្លាតថ្លៃលក់អគ្គិសនី ការកែសម្រួលផែនការអភិវឌ្ឍវិស័យថាមពលអគ្គិសនី។ ក្រសួងបានផ្អាកជាបណ្តោះអាសន្ននូវការផ្តល់អាជ្ញាបណ្ណធនធានរ៉ែសម្រាប់ការសិក្សាស្វែងរុករករ៉ែ និងបានប្រមូលផ្តុំកំលាំងសរុប និងធនធានសរុបជំរុញការដោះស្រាយ និងគ្រប់គ្រងបានលើសកម្មភាពអាជីវកម្មបូមខ្សាច់អនាធិបតេយ្យ និងការចាត់វិធានការជំរុញឲ្យមានការកាត់បន្ថយបានជាអតិបរិមានូវសកម្មភាពជីករ៉ែអាណាធិបតេយ្យផ្សេងៗទៀត នៅលើក្របខ័ណ្ឌទូទាំងប្រទេស។ យើងបានលុបកិច្ចព្រមព្រៀងរ៉ែចំនួន ២៤ ព្យួរអាជ្ញាបណ្ណអាជីវកម្មរ៉ែចំនួន២ ហើយនឹងកំពុងបន្តពិនិត្យ និងលុបជាបន្តបន្ទាប់ទៀត ចំពោះកិច្ចព្រមព្រៀងណាដែលពុំមានសកម្មភាព ឬពុំមានភាពអនុលោមតាមច្បាប់ ឬលក្ខខណ្ឌនៃកិច្ចព្រមព្រៀង។ មានកិច្ចព្រមព្រៀងប្រេងកាតចំនួន២ (Block B និង Block F) ត្រូវបានលុប ក្នុងឆ្នាំ២០១៥នេះ។ ទន្ទឹមនេះ ក្រសួងក៏បានរៀបចំសេចក្តីព្រាងច្បាប់ប្រេងកាត អនុក្រឹត្យប្រេងកាត និងគំរូកិច្ចព្រមព្រៀងប្រេងកាតថ្មី សំដៅបង្កើតនូវក្របខណ្ឌបញ្ញត្តិកម្មលើវិស័យនេះ ទាំងផ្នែកUpstream និងផ្នែកDownstream ហើយនឹងបានអនុម័តដាក់ឱ្យអនុវត្តជាបណ្តើរៗនូវបទបញ្ញត្តិគ្រប់គ្រងបច្ចេកទេសសុវត្ថិភាពស្ថានីយប្រេង និងឧស្ម័ន ដែលពុំធ្លាប់មានពីមុនមក។
ទន្ទឹមនិងលទ្ធផលខាងលើនេះ ក្រសួងក៏ជំរុញបានប្រកបដោយជោគជ័យ នូវប្រសិទ្ធិភាពនៃការប្រមូលចំណូលជាតិ ផ្នែកមិនមែនសារពើពន្ធ ពីវិស័យរ៉ែនិងប្រេងកាត តាមរយៈការដាក់ឲ្យអនុវត្តនូវកំណែទម្រង់ថ្មីនៃយន្តការប្រមូលសួយសារលើតម្លៃធនធានរ៉ែ។ ក្នុងឆ្នាំ២០១៥នេះ ចំណូលជាតិផ្នែកមិនមែនសារពើពន្ធ ដែលប្រមូលបាន ពីវិស័យរ៉ែ និងប្រេងកាតនេះ មានចំនួនស្មើនឹង ១៧,២៥៦,១៧៧ដុល្លារ កើនឡើងប្រមាណ ៤ដង ប្រៀបធៀបរយៈពេលដូចគ្នា នៅឆ្នាំ ២០១៤។
ឆ្លងតាមលទ្ធផលទាំងនេះ យើងអាចវាយតម្លៃបានថាឆ្នាំ២០១៥កន្លងនេះ គឺជាឆ្នាំនៃការស្ថាបនា និងការកសាងថ្មី។ មានការរៀបចំស្ថាប័នកិច្ច យន្តការ និងប្រព័ន្ធអភិបាលកិច្ចថ្មីៗ ជាច្រើនត្រូវបានបង្កើតឡើង និងដាក់ចេញឱ្យអនុវត្ត។ ក្នុងបរិបទនេះ ខ្ញុំសូមឲ្យអង្គសន្និបាតទាំងមូល ផ្តោតការពិនិត្យ និងពិភាក្សាក្នុងរយៈពេលនៃសន្និបាតក្រសួងនេះ វាយតម្លៃឡើងវិញឲ្យបានហ្មត់ចត់អំពីលទ្ធផល មេរៀនបទពិសោធន៍ និងបញ្ហាប្រឈមកន្លងមក របស់វិស័យរ៉ែ និងប្រេងកាត ។
សម្រាប់ឆ្នាំ២០១៦ បណ្តាក្របខ័ណ្ឌការងារយុទ្ធសាស្រ្តដែលមានក្នុងឆ្នាំ ២០១៥ ទាំងអស់នឹងត្រូវជំរុញអនុវត្តជាបន្តទៀត។ ទន្ទឹមនេះ លោករដ្ឋមន្ត្រីក៏បានជំរុញឲ្យមានភាពច្នៃប្រឌិតខ្ពស់ និងការខិតខំបន្ថែមទៀតពីសំណាក់ថ្នាក់ដឹកនាំទទួលបន្ទុក អគ្គនាយកដ្ឋាន នាយកដ្ឋាន មន្ទីររាជធានី-ខេត្ត និងអង្គភាពពាក់ព័ន្ធ ក្នុងការអនុវត្តក្របខ័ណ្ឌការងារយុទ្ធសាស្រ្តទាំងអស់ដែលបានដាក់ចេញ ដើម្បីជំរុញឲ្យយើងអាចវាយតម្លៃបានថាឆ្នាំ២០១៦ គឺជាឆ្នាំនៃសកម្មភាពនិងការចូលរួម។
ពុធ 20 មករា 2016 | បានអាន 5419
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
