នៅសណ្ឋាគារភ្នំពេញ នាព្រឹកថ្ងៃទី ២០ ខែមករា ឆ្នាំ២០១៤ ក្រសួងរ៉ែ និងថាមពលបានប្រារព្វកិច្ចប្រជុំឧទ្ទេសនាមការងារ និងកំណត់ទិសដៅយុទ្ធសាស្រ្តរបស់ខ្លួន ក្នុងអាណត្តិទី៥ នៃរដ្ឋសភាជាតិ។ កិច្ចប្រជុំត្រូវបានចូលរួមដោយថ្នាក់ដឹកនាំ និងមន្រ្តីរាជការគ្រប់អង្គភាពទាំងអស់របស់ក្រសួង និង មានលក្ខណៈជាអង្គសន្និបាតលើកទីមួយរបស់ក្រសួងនេះ បន្ទាប់ពីទើបនឹងត្រូវបានបង្កើតថ្មី ដោយរាជរដ្ឋាភិបាល និងបានប្រកាសជាផ្លូវការកាលពីថ្ងៃទី២៧ ខែធ្នូ ឆ្នាំ២០១៣ កន្លងទៅនេះ។
ក្នុងកិច្ចប្រជុំនេះថ្នាក់ដឹកនាំ និងមន្រ្តីរាជការទាំងអស់របស់ក្រសួងរ៉ែ និងថាមពល បានពិនិត្យពិភាក្សាវាយតម្លៃលើបរិបទថ្មីៗនៃវឌ្ឍនភាព សេដ្ឋកិច្ច-សង្គម និងការប្រែប្រួលក្នុងតំបន់ ហើយឆ្លុះបញ្ចាំងពីឱកាស និងបញ្ហាប្រឈមនានា នៅក្នុងរបៀបវារៈការងារជាយុទ្ធសាស្រ្តរបស់ក្រសួងក្នុងវិស័យរ៉ែ និងថាមពលនៅកម្ពុជា។ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពលបានបញ្ជាក់ប្រាប់អង្គប្រជុំថា៖ ពិតមែនក្រសួងរ៉ែ និងថាមពល ទើបតែបានបង្កើតថ្មី ប៉ុន្តែលទ្ធផល និងសមិទ្ធិផលជាច្រើន ដែលសម្រេចបានដោយរាជរដ្ឋាភិបាលក្នុងអាណត្តិកន្លងទៅនេះ បានផ្តល់នូវមូលដ្ឋានគ្រឹះរឹងមាំ សម្រាប់ការចាប់ផ្តើមដំបូងរបស់ក្រសួងថ្មីមួយនេះ។ យើងទាំងអស់គ្នានឹងបន្តចូលរួមប្រារព្ធពិធីសម្ភោធបណ្តា សមិទ្ធិផលធំៗមួយចំនួនទៀតជាបន្តបន្ទាប់ក្នុងវិស័យរ៉ែ និងថាមពល ដែលជាស្នាដៃនៅក្នុងអាណត្តិមុន។
សម្រាប់អាណត្តិថ្មីនេះ (២០១៣-២០១៨) ក្រសួងរ៉ែ និងថាមពល មានបេសកម្មបន្ថែមយ៉ាងធំធេងក្នុងការបង្កើតនូវរបត់ថ្មីយ៉ាងសំខាន់ មួយកំរិតទៀតក្នុងវិស័យសេដ្ឋកិច្ច និងអភិវឌ្ឍសង្គម ដោយការជំរុញប្រើប្រាស់ឲ្យអស់លទ្ធភាព និងប្រកបដោយសុចរិតភាព នូវសក្តានុពលរបស់វិស័យឧស្សាហកម្មនិស្សារណកម្ម ដូចជា ការធ្វើអាជីវកម្មរ៉ែ ប្រេងកាតនិងឧស្ម័ន ព្រមទាំងការអភិវឌ្ឍវិស័យអគ្គិសនីជនបទ ការជំរុញពិពិធកម្មប្រភពថាមពល ដែលនឹងជំរុញការពង្រីកវិសាលភាពគ្របដណ្តប់នៃសេវាផ្គត់ផ្គង់ អគ្គិសនីថ្លៃសមរម្យឲ្យបានដល់ប្រជាជនយើងទាំងអស់គ្នា។
ឯកឧត្តម ស៊ុយ សែម បានបញ្ជាក់ថា៖បេសកកម្មចំបងរបស់ក្រសួងរ៉ែ និងថាមពល គឺការប្រកាន់យក និងសម្រេចឲ្យបាននូវចក្ខុវិស័យរបស់ក្រសួងរ៉ែ និងថាមពល គឺ៖ “ធ្វើឲ្យសម្រេចបាន ល្អប្រសើបំផុត នូវការគ្រប់គ្រង និងប្រើប្រាស់ សក្តានុពលថាមពល និងធនធានរ៉ែរបស់ជាតិ ដើម្បីកាត់បន្ថយភាពក្រីក្រ និងជំរុញលើកកំពស់វឌ្ឍនភាពសង្គមប្រកបដោយសមធ៌ម គោរពតម្រូវការចាំបាច់របស់សហគមន៍មូលដ្ឋាន ព្រមទាំងធានាការពារនិរន្តរភាពនៃបរិស្ថានធម្មជាតិ”។
គោលដៅសារពើពន្ធ និងសេដ្ឋកិច្ចគឺការបង្កើនលំហូចំណូលជាតិពីវិស័យប្រេងកាត ឧស្ម័ន និងរ៉ែ ការជំរុញអភិវឌ្ឍភាពប្រកួតប្រជែងនៃផ្នែកកម្មន្តសាល និងសហគ្រាសធុនតូច និងមធ្យមរបស់ជាតិ តាមរយៈជំរុញការប្រើប្រាស់ជាអតិបរិមានូវផលិតផល និងសេវាកម្មក្នុងស្រុក ឬនៅមូលដ្ឋានការបង្កើតឧស្សាហកម្មគាំទ្រនៅផ្នែកដោនស្រ្ទីម ដើម្បីបង្កើតការងារ និងការជំរុញការនាំចេញពាក់ព័ន្ធប្រេងកាត និងឧស្ម័ន ផ្អែកលើអភិក្រមទីផ្សារ។ ចំពោះគោលដៅសង្គមគឺ ការការពារ និងលើកកំពស់ផលប្រយោជន៍របស់សហគមន៍មូលដ្ឋាន សង្គម និងបរិស្ថានធម្មជាតិ នៅក្នុងវិស័យឧស្សាហកម្មនិស្សារណកម្មនេះ។
ក្រសួងចាត់ទុកការដោះស្រាយទំនាស់ជាមួយសហគមន៍មូលដ្ឋាន ពាក់ព័ន្ធជាមួយគម្រោងរ៉ែ និងអគ្គិសនី គឺជាកិច្ចការអាទិភាពខ្ពស់របស់ក្រសួង។ ឯកឧត្តមរដ្ឋមន្រ្តីបានណែនាំអង្គប្រជុំទាំងមូលថានេះគឺជាកិច្ចការ អាទិភាពសំខាន់មួយរបស់ក្រសួងរ៉ែ និងថាមពលក្នុងអាណត្តិនេះ ដើម្បីធានាថាចំណូលជាតិដែលទទួលបានពីការអភិវឌ្ឍន៍ ផ្តល់ផលប្រយោជន៍ជូនដល់ប្រជាជនខ្មែរទាំងអស់គ្នា ប្រកបដោយសមធ៌ម។ អង្គភាពពាក់ព័ន្ធរបស់ក្រសួងត្រូវជំរុញឲ្យមានភាពជាដៃគូ និងកិច្ចសហការយ៉ាងជិតស្និទ្ធរវាងគ្រប់ភាគីដែលពាក់ព័ន្ធ ជាពិសេសអង្គការសង្គម សកម្មជនមូលដ្ឋាន និងសហគមន៍ ដើម្បីបញ្ចៀសនូវទំនាស់សង្គម និងសេដ្ឋកិច្ចផ្សេងៗ។
ចំពោះវិស័យថាមពលអគ្គិសនី ក្រសួងផ្តោតអាទិភាពលើការជំរុញអភិវឌ្ឍទំនើបកម្មវិស័យអគ្គិសនី ដោយសង្កត់ធ្ងន់លើបញ្ហាស្ថេរភាព គុណភាព និងថ្លៃព្រមជាមួយគ្នានិងការដោះស្រាយបញ្ហាប្រឈមនានា ដើម្បីស្រូបយកឲ្យអស់នូវកាលានុវត្តភាព និងសក្តានុពលនៃការអភិវឌ្ឍន៍សេដ្ឋកិច្ចតំបន់ ការផ្សារភ្ជាប់ថាមពលក្នុងកំរិតតំបន់ការជំរុញពិពិធកម្មប្រភពថាមពល និងជំរុញការវិនិយោគនៅតំបន់ជនបទ ដើម្បីពង្រីកវិសាលភាពគ្របដណ្តប់នៃសេវាផ្គត់ផ្គង់អគ្គិសនីមួយមាន ថ្លៃសមរម្យថោកជាងមុន ឲ្យបានដល់ប្រជាជនយើងទាំងអស់គ្នានៅជនបទ។
សម្រាប់ពីឆ្នាំ២០១៤-២០១៨នេះ ទិសដៅយុទ្ធសាស្រ្តរបស់ក្រសួង គឺត្រូវធានារក្សាឲ្យបានតុល្យការនៃការផ្គត់ផ្គង់ និងតម្រូវការអគ្គិសនី។ ទន្ទឹមនេះ ក្រសួងនឹងជំរុញការពង្រីកទំហំវិសាលភាពសេវាផ្គត់ផ្គង់អគ្គិសនី ក្នុងគោលបំណងកាត់បន្ថយគំលាតនៃឱកាសទទួលបានការផ្គត់ផ្គង់ សេវាអគ្គិសនីរវាងតំបន់ទីក្រុង និងទីជនបទ។ ឯកឧត្តម ស៊ុយ សែម បានបញ្ជាក់អំពីបញ្ហានេះថាការអភិវឌ្ឍប្រភពអគ្គិសនីបន្តទៀតដើម្បី ទប់ទល់នឹងកំណើននៃសេចក្តីត្រូវការប្រើប្រាស់អគ្គិសនីរបស់ប្រទេសកម្ពុជា សម្រាប់អាណត្តិបន្តបន្ទាប់ទៀត គឺជាកិច្ចការចាំបាច់ខ្លាំងណាស់ ពីព្រោះការអភិវឌ្ឍន៍គម្រោងប្រភពអគ្គិសនីនីមួយៗ តាមបទពិសោធកន្លងមក ត្រូវការពេលវេលាវែង (ដែលសរុបយ៉ាងតិចក៏ ៨ ឆ្នាំដែរ)។ ដូច្នេះ ប្រសិនបើមិនអភិវឌ្ឍនៅពេលនេះអាណត្តិក្រោយប្រទេសយើងអាច នឹងមានវិបត្តិប្រភពអគ្គិសនី ។ ជាមួយគ្នានេះ ក្រសួងក៏ត្រូវជំរុញពន្លឿនអភិវឌ្ឍន៍ប្រព័ន្ធផ្គត់ផ្គង់អគ្គិសនីបន្ថែមទៀត ដោយជំរុញការវិនិយោគពង្រីកបណ្តាញបញ្ជូន អនុស្ថានីយ បណ្តាញបញ្ជូនរង និងបណ្តាញចែកចាយអគ្គិសនី ឲ្យបណ្តាញទាំងនេះគ្របដណ្តប់ទៅគ្រប់តំបន់ទូទាំងប្រទេសបាន ឆាប់រហ័ស។ ក្នុងអាណត្តិនេះក្រសួង នឹងជំរុញការពង្រីកប្រព័ន្ធបណ្តាញជាតិបញ្ជូនអគ្គិសនីឆ្ពោះទៅកាន់ បណ្តាខេត្តដែលនៅសល់ គឺ៖ ខេត្តព្រៃវែង ស្វាយរៀង កោះកុង ប៉ៃលិន ក្រចេះ ស្ទឹងត្រែង កំពង់ធំ ព្រះវិហារ រតនគិរី មណ្ឌលគិរី និងឧត្តរមានជ័យ ហើយជាជំហានបន្ទាប់ត្រូវជំរុញឲ្យអគ្គិសនីកម្ពុជានិងសេវាករឯកជន ធ្វើការអភិវឌ្ឍន៍បណ្តាញបញ្ជូនរង និងបណ្តាញចែកចាយ ទៅកាន់ភូមិនានាដែលមិនទាន់មានការផ្គត់ផ្គង់ពីបណ្តាញជាតិ ដើម្បីឲ្យប្រជាពលរដ្ឋនៅតាមបណ្តាភូមិទាំងនេះទទួលបានការ ផ្គត់ផ្គង់មួយដែលមានគុណភាព និងស្ថេរភាព ដូចប្រជាពលរដ្ឋដែលរស់នៅរាជធានីភ្នំពេញនិងតំបន់ជុំវិញ រាជធានីដែរ។
ទន្ទឹមនេះ ក្រសួងក៏នឹងត្រូវជំរុញកាន់តែខ្លាំង ការលើកកំពស់សមធម៌ក្នុងការទទួលសេវាផ្គត់ផ្គង់អគ្គិសនី របស់ប្រជាពលរដ្ឋនៅតំបន់ជនបទ។ ឯកឧត្តម ស៊ុយ សែម បញ្ជាក់បន្ថែមថា ក្នុងអាណត្តិនេះ ក្រសួងនឹងបន្តជំរុញលើកកំពស់បន្ថែមទៀត នូវការយកចិត្តទុកដាក់ចំពោះគ្រួសារក្រីក្រនៅតំបន់ជនបទ តាមរយៈការជំរុញអនុវត្តកម្មវិធីសង្គមកិច្ចនានារបស់មូលនិធិ អគ្គិសនីភាវូបនីយកម្មជនបទ ដើម្បីជួយបង្កើតឲ្យមានការផ្តល់សេវាផ្គត់ផ្គង់អគ្គិសនីនៅតំបន់ ជនបទដែលពុំទាន់មានការផ្គត់ផ្គង់ និងជួយគ្រួសារក្រីក្រនៅតំបន់ជនបទឲ្យមានលទ្ធភាពភ្ជាប់ចរន្ត អគ្គិសនីប្រើប្រាស់។ក្រសួងនឹងជំរុញឲ្យអគ្គិសនីកម្ពុជាពង្រីកកញ្ចប់ថវិកាប្រចាំឆ្នាំបន្ថែម ក្នុងកម្មវិធីសង្គមកិច្ចរបស់មូលនិធិអគ្គិសនីភាវូបនីយកម្មជនបទ ដើម្បីជួយដល់គោលដៅ ៣ នៃអគ្គិសនីភាវូបនីយកម្មជនបទ ដូចខាងក្រោម ៖
១. ជួយផ្តល់ឥណទានអនុគ្រោះ ដល់សេវាករអគ្គិសនីតាមតំបន់នានា ដើម្បីពង្រីកបណ្តាញអគ្គិសនីទៅកាន់កន្លែងណាដែលពុំទាន់មានការផ្គត់ផ្គង់
២. ជួយធ្វើយ៉ាងណាឲ្យប្រជាពលរដ្ឋនៅតំបន់ដាច់ស្រយាល ដែលបណ្តាញជាតិពុំទាន់អាចពង្រីកទៅដល់ ឲ្យមានអគ្គិសនីប្រើប្រាស់ជាបណ្តោះអាសន្ន ដោយជួយបង្កើតឲ្យមានការផ្គត់ផ្គង់អគ្គិសនីបណ្តោះអាសន្ន ឬក៏ការជួយផ្តល់ប្រព័ន្ធពន្លឺព្រះអាទិត្យដល់គ្រួសារក្រីក្រនៅតំបន់ ជនបទដាច់ស្រយាល ។ល។
៣. ជួយផ្តល់ឥណទានគ្មានការប្រាក់រយៈពេលយូរ ដល់ប្រជាពលរដ្ឋក្រីក្រដើម្បីគាត់អាចមានលទ្ធភាពភ្ជាប់ចរន្ត ប្រើប្រាស់អគ្គិសនីបាន។
ទិសដៅយុទ្ធសាស្រ្តដ៏សំខាន់មួយទៀត របស់ក្រសួងរ៉ែ និងថាមពល ក្នុងអាណត្តិនេះ គឺការជំរុញដោះស្រាយបញ្ហាថ្លៃអគ្គិសនីខ្ពស់។បច្ចុប្បន្នថ្លៃលក់អគ្គិសនីនៅកម្ពុជានៅមានកម្រិតខ្ពស់ ទោះបីជា មានប្រទេសរីកចំរើនខ្លះ ក៏មានថ្លៃអគ្គិសនីខ្ពស់ជាងប្រទេសកម្ពុជាក៏ដោយ។ ទន្ទឹមនេះ គំលាតថ្លៃអគ្គិសនីរវាងរាជធានី ទីក្រុង និងជនបទ ក៏មានគំលាតខុសគ្នាយ៉ាងខ្លាំងពីតំបន់មួយទៅតំបន់មួយទៀតដែរ។ ក្នុងអាណត្តិនេះ ក្រសួង នឹងខិតខំជំរុញបន្ថែមនូវការអនុវត្តយន្តការចាំបាច់ផ្សេងៗ ដើម្បី៖ (១) សម្រេចឲ្យបាននូវការកាត់បន្ថយគំលាតថ្លៃអគ្គិសនីរវាងរាជធានី និងតំបន់នានាឲ្យនៅក្នុងកំរិតមួយសមស្របបំផុត និង (២) បញ្ចុះថ្លៃលក់អគ្គិសនីតាមតំបន់ចែកចាយនិមួយៗ ឲ្យអស់លទ្ធភាពក្នុងក្របខណ្ឌធ្វើយ៉ាងណារក្សានិរន្តរភាពនៃការផ្គត់ផ្គង់ផង និងរក្សាការចូលរួមវិនិយោគពង្រីកបណ្តាញផ្គត់ផ្គង់អគ្គិសនីរបស់ ផ្នែកឯកជនបន្តទៀតផង ។ ដើម្បីដោះស្រាយបញ្ហានេះ ឯកឧត្តម ស៊ុយ សែម បានដាក់ចេញនូវផែនការជាជំហានសម្រាប់អង្គភាពពាក់ព័ន្ធអនុវត្ត ក្នុងអាណត្តិទី ៥ នេះ ជាបន្តបន្ទាប់ដូចខាងក្រោម ៖
១.បញ្ចុះថ្លៃអគ្គិសនីនៅតំបន់ដែលភ្ជាប់ជាមួយបណ្តាញជាតិយូរហើយ៖ ចំពោះតំបន់ផ្គត់ផ្គង់ដែលភ្ជាប់ជាមួយបណ្តាញជាតិយូរហើយ ដោយសារ ទំហំទីផ្សារបានកើនឡើងធំជាងមុនផង និងដោយសារ ហេដ្ឋារចនាសម្ព័ន្ធចែកចាយក៏បានអភិវឌ្ឍន៍ជិតពេញដែនអាជ្ញាប័ណ្ណហើយដែរ ដូច្នេះត្រូវជំរុញឲ្យធ្វើការពិនិត្យថ្លៃអគ្គិសនីឡើងវិញ ដើម្បីបន្ថយថ្លៃអគ្គិសនីនេះឲ្យបានជាអតិបរិមា ប៉ុន្តែក្នុងក្របខណ្ឌទុកឲ្យសេវាករអគ្គិសនីអាចធ្វើអាជីវកម្មបន្តទៀតបាន ដើម្បីកុំឲ្យដាច់និរន្តរភាពនៃការផ្គត់ផ្គង់អគ្គិសនី ។
២.បញ្ចុះថ្លៃអគ្គិសនីនៅតំបន់ដែលតខ្សែបន្តទៅឆ្ងាយ៖ ចំពោះតំបន់ផ្គត់ផ្គង់ដែលតខ្សែបន្តទៅឆ្ងាយ ដោយសារត្រូវការរំលោះទុនវិនិយោគនៃខ្សែដែលត្រូវបន្តនេះ ថ្លៃអគ្គិសនីគឺខ្ពស់ជាងតំបន់ទី១ ខាងលើ ។ ដើម្បីជួយបន្ធូរបន្ថយបញ្ហាថ្លៃនៅតំបន់នេះ អាជ្ញាធរអគ្គិសនីកម្ពុជាធ្វើការពិនិត្យថ្លៃអគ្គិសនីនៅតំបន់ទាំងនេះឡើងវិញ ដើម្បីបន្ថយថ្លៃអគ្គិសនីនៅតំបន់ទាំងនេះមួយជំហានសិន ព្រមពេលជាមួយគ្នានេះ ត្រូវជំរុញឲ្យអគ្គិសនីកម្ពុជាធ្វើការពង្រីកបណ្តាញបញ្ជូនរងឲ្យដល់ទីនោះ ដើម្បីឲ្យថ្លៃអគ្គិសនីចុះថយជាបន្តបន្ទាប់មកស្មើនឹងតំបន់ទី១ដែរ ។
៣.បញ្ចុះថ្លៃអគ្គិសនីនៅតំបន់ដែលនៅផលិតអគ្គិសនីពីម៉ាស៊ីនប្រើម៉ាស៊ូត៖ ចំពោះតំបន់ផ្គត់ផ្គង់ដែលនៅផលិតអគ្គិសនីពីម៉ាស៊ីនដេស្យែល ដែលមានថ្លៃលក់ខ្ពស់ជាងគេ នៅក្នុងពេលចំពោះមុខនេះ យើងពុំមានជម្រើសអ្វីផ្សេង ក្រៅពីជំរុញឲ្យអគ្គិសនីកម្ពុជាខិតខំពង្រីកបណ្តាញបញ្ជូនរង បញ្ជូនប្រភពអគ្គិសនីពីបណ្តាញជាតិឬពីប្រភពផ្សេងៗទៀតទៅជំនួស ឲ្យបានឆាប់រហ័ស ដែលអាចបន្ថយថ្លៃអគ្គិសនីនៅតំបន់ទាំងនេះឲ្យមកស្មើនឹងថ្លៃអគ្គិសនី នៅតំបន់ភ្ជាប់ជាមួយបណ្តាញបញ្ជូនរងផ្ទាល់វិញ ដូចតំបន់ទី១ខាងលើ ។
៤.បញ្ចុះថ្លៃអគ្គិសនីឲ្យប្រហាក់ប្រហែលគ្នាទូទាំងប្រទេស៖ យុទ្ធសាស្រ្តចុងក្រោយនៃបញ្ហាថ្លៃអគ្គិសនី គឺការបញ្ចុះថ្លៃអគ្គិសនីដែលនៅមានកម្រិតខ្ពស់ឲ្យថយចុះ ខិតមកជិតថ្លៃអគ្គិសនីដែលទាប មានន័យថាធ្វើឲ្យថ្លៃអគ្គិសនីទូទាំងប្រទេសមានកម្រិតប្រហាក់ប្រហែលគ្នា។ ចំពោះយុទ្ធសាស្ត្រនេះ ក្រសួងនឹងត្រូវពិនិត្យការបង្កើតនូវយន្តការឧបត្ថម្ភធនឆ្លើយឆ្លងគ្នារវាងតំបន់ទីក្រុង និងតំបន់ជនបទ។
កិច្ចប្រជុំឧទ្ទេសនាមការងារ និងកំណត់ទិសដៅយុទ្ធសាស្រ្តរបស់ក្រសួងរ៉ែ និងថាមពល បានដំណើរការប្រកបដោយជោគជ័យ និងបានបញ្ចប់នៅវេលាម៉ោង ១២:០០ នាថ្ងៃទី២០ ខែមករា ឆ្នាំ២០១៤៕
ក្នុងកិច្ចប្រជុំនេះថ្នាក់ដឹកនាំ និងមន្រ្តីរាជការទាំងអស់របស់ក្រសួងរ៉ែ និងថាមពល បានពិនិត្យពិភាក្សាវាយតម្លៃលើបរិបទថ្មីៗនៃវឌ្ឍនភាព សេដ្ឋកិច្ច-សង្គម និងការប្រែប្រួលក្នុងតំបន់ ហើយឆ្លុះបញ្ចាំងពីឱកាស និងបញ្ហាប្រឈមនានា នៅក្នុងរបៀបវារៈការងារជាយុទ្ធសាស្រ្តរបស់ក្រសួងក្នុងវិស័យរ៉ែ និងថាមពលនៅកម្ពុជា។ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពលបានបញ្ជាក់ប្រាប់អង្គប្រជុំថា៖ ពិតមែនក្រសួងរ៉ែ និងថាមពល ទើបតែបានបង្កើតថ្មី ប៉ុន្តែលទ្ធផល និងសមិទ្ធិផលជាច្រើន ដែលសម្រេចបានដោយរាជរដ្ឋាភិបាលក្នុងអាណត្តិកន្លងទៅនេះ បានផ្តល់នូវមូលដ្ឋានគ្រឹះរឹងមាំ សម្រាប់ការចាប់ផ្តើមដំបូងរបស់ក្រសួងថ្មីមួយនេះ។ យើងទាំងអស់គ្នានឹងបន្តចូលរួមប្រារព្ធពិធីសម្ភោធបណ្តា សមិទ្ធិផលធំៗមួយចំនួនទៀតជាបន្តបន្ទាប់ក្នុងវិស័យរ៉ែ និងថាមពល ដែលជាស្នាដៃនៅក្នុងអាណត្តិមុន។
សម្រាប់អាណត្តិថ្មីនេះ (២០១៣-២០១៨) ក្រសួងរ៉ែ និងថាមពល មានបេសកម្មបន្ថែមយ៉ាងធំធេងក្នុងការបង្កើតនូវរបត់ថ្មីយ៉ាងសំខាន់ មួយកំរិតទៀតក្នុងវិស័យសេដ្ឋកិច្ច និងអភិវឌ្ឍសង្គម ដោយការជំរុញប្រើប្រាស់ឲ្យអស់លទ្ធភាព និងប្រកបដោយសុចរិតភាព នូវសក្តានុពលរបស់វិស័យឧស្សាហកម្មនិស្សារណកម្ម ដូចជា ការធ្វើអាជីវកម្មរ៉ែ ប្រេងកាតនិងឧស្ម័ន ព្រមទាំងការអភិវឌ្ឍវិស័យអគ្គិសនីជនបទ ការជំរុញពិពិធកម្មប្រភពថាមពល ដែលនឹងជំរុញការពង្រីកវិសាលភាពគ្របដណ្តប់នៃសេវាផ្គត់ផ្គង់ អគ្គិសនីថ្លៃសមរម្យឲ្យបានដល់ប្រជាជនយើងទាំងអស់គ្នា។
ឯកឧត្តម ស៊ុយ សែម បានបញ្ជាក់ថា៖បេសកកម្មចំបងរបស់ក្រសួងរ៉ែ និងថាមពល គឺការប្រកាន់យក និងសម្រេចឲ្យបាននូវចក្ខុវិស័យរបស់ក្រសួងរ៉ែ និងថាមពល គឺ៖ “ធ្វើឲ្យសម្រេចបាន ល្អប្រសើបំផុត នូវការគ្រប់គ្រង និងប្រើប្រាស់ សក្តានុពលថាមពល និងធនធានរ៉ែរបស់ជាតិ ដើម្បីកាត់បន្ថយភាពក្រីក្រ និងជំរុញលើកកំពស់វឌ្ឍនភាពសង្គមប្រកបដោយសមធ៌ម គោរពតម្រូវការចាំបាច់របស់សហគមន៍មូលដ្ឋាន ព្រមទាំងធានាការពារនិរន្តរភាពនៃបរិស្ថានធម្មជាតិ”។
គោលដៅសារពើពន្ធ និងសេដ្ឋកិច្ចគឺការបង្កើនលំហូចំណូលជាតិពីវិស័យប្រេងកាត ឧស្ម័ន និងរ៉ែ ការជំរុញអភិវឌ្ឍភាពប្រកួតប្រជែងនៃផ្នែកកម្មន្តសាល និងសហគ្រាសធុនតូច និងមធ្យមរបស់ជាតិ តាមរយៈជំរុញការប្រើប្រាស់ជាអតិបរិមានូវផលិតផល និងសេវាកម្មក្នុងស្រុក ឬនៅមូលដ្ឋានការបង្កើតឧស្សាហកម្មគាំទ្រនៅផ្នែកដោនស្រ្ទីម ដើម្បីបង្កើតការងារ និងការជំរុញការនាំចេញពាក់ព័ន្ធប្រេងកាត និងឧស្ម័ន ផ្អែកលើអភិក្រមទីផ្សារ។ ចំពោះគោលដៅសង្គមគឺ ការការពារ និងលើកកំពស់ផលប្រយោជន៍របស់សហគមន៍មូលដ្ឋាន សង្គម និងបរិស្ថានធម្មជាតិ នៅក្នុងវិស័យឧស្សាហកម្មនិស្សារណកម្មនេះ។
ក្រសួងចាត់ទុកការដោះស្រាយទំនាស់ជាមួយសហគមន៍មូលដ្ឋាន ពាក់ព័ន្ធជាមួយគម្រោងរ៉ែ និងអគ្គិសនី គឺជាកិច្ចការអាទិភាពខ្ពស់របស់ក្រសួង។ ឯកឧត្តមរដ្ឋមន្រ្តីបានណែនាំអង្គប្រជុំទាំងមូលថានេះគឺជាកិច្ចការ អាទិភាពសំខាន់មួយរបស់ក្រសួងរ៉ែ និងថាមពលក្នុងអាណត្តិនេះ ដើម្បីធានាថាចំណូលជាតិដែលទទួលបានពីការអភិវឌ្ឍន៍ ផ្តល់ផលប្រយោជន៍ជូនដល់ប្រជាជនខ្មែរទាំងអស់គ្នា ប្រកបដោយសមធ៌ម។ អង្គភាពពាក់ព័ន្ធរបស់ក្រសួងត្រូវជំរុញឲ្យមានភាពជាដៃគូ និងកិច្ចសហការយ៉ាងជិតស្និទ្ធរវាងគ្រប់ភាគីដែលពាក់ព័ន្ធ ជាពិសេសអង្គការសង្គម សកម្មជនមូលដ្ឋាន និងសហគមន៍ ដើម្បីបញ្ចៀសនូវទំនាស់សង្គម និងសេដ្ឋកិច្ចផ្សេងៗ។
ចំពោះវិស័យថាមពលអគ្គិសនី ក្រសួងផ្តោតអាទិភាពលើការជំរុញអភិវឌ្ឍទំនើបកម្មវិស័យអគ្គិសនី ដោយសង្កត់ធ្ងន់លើបញ្ហាស្ថេរភាព គុណភាព និងថ្លៃព្រមជាមួយគ្នានិងការដោះស្រាយបញ្ហាប្រឈមនានា ដើម្បីស្រូបយកឲ្យអស់នូវកាលានុវត្តភាព និងសក្តានុពលនៃការអភិវឌ្ឍន៍សេដ្ឋកិច្ចតំបន់ ការផ្សារភ្ជាប់ថាមពលក្នុងកំរិតតំបន់ការជំរុញពិពិធកម្មប្រភពថាមពល និងជំរុញការវិនិយោគនៅតំបន់ជនបទ ដើម្បីពង្រីកវិសាលភាពគ្របដណ្តប់នៃសេវាផ្គត់ផ្គង់អគ្គិសនីមួយមាន ថ្លៃសមរម្យថោកជាងមុន ឲ្យបានដល់ប្រជាជនយើងទាំងអស់គ្នានៅជនបទ។
សម្រាប់ពីឆ្នាំ២០១៤-២០១៨នេះ ទិសដៅយុទ្ធសាស្រ្តរបស់ក្រសួង គឺត្រូវធានារក្សាឲ្យបានតុល្យការនៃការផ្គត់ផ្គង់ និងតម្រូវការអគ្គិសនី។ ទន្ទឹមនេះ ក្រសួងនឹងជំរុញការពង្រីកទំហំវិសាលភាពសេវាផ្គត់ផ្គង់អគ្គិសនី ក្នុងគោលបំណងកាត់បន្ថយគំលាតនៃឱកាសទទួលបានការផ្គត់ផ្គង់ សេវាអគ្គិសនីរវាងតំបន់ទីក្រុង និងទីជនបទ។ ឯកឧត្តម ស៊ុយ សែម បានបញ្ជាក់អំពីបញ្ហានេះថាការអភិវឌ្ឍប្រភពអគ្គិសនីបន្តទៀតដើម្បី ទប់ទល់នឹងកំណើននៃសេចក្តីត្រូវការប្រើប្រាស់អគ្គិសនីរបស់ប្រទេសកម្ពុជា សម្រាប់អាណត្តិបន្តបន្ទាប់ទៀត គឺជាកិច្ចការចាំបាច់ខ្លាំងណាស់ ពីព្រោះការអភិវឌ្ឍន៍គម្រោងប្រភពអគ្គិសនីនីមួយៗ តាមបទពិសោធកន្លងមក ត្រូវការពេលវេលាវែង (ដែលសរុបយ៉ាងតិចក៏ ៨ ឆ្នាំដែរ)។ ដូច្នេះ ប្រសិនបើមិនអភិវឌ្ឍនៅពេលនេះអាណត្តិក្រោយប្រទេសយើងអាច នឹងមានវិបត្តិប្រភពអគ្គិសនី ។ ជាមួយគ្នានេះ ក្រសួងក៏ត្រូវជំរុញពន្លឿនអភិវឌ្ឍន៍ប្រព័ន្ធផ្គត់ផ្គង់អគ្គិសនីបន្ថែមទៀត ដោយជំរុញការវិនិយោគពង្រីកបណ្តាញបញ្ជូន អនុស្ថានីយ បណ្តាញបញ្ជូនរង និងបណ្តាញចែកចាយអគ្គិសនី ឲ្យបណ្តាញទាំងនេះគ្របដណ្តប់ទៅគ្រប់តំបន់ទូទាំងប្រទេសបាន ឆាប់រហ័ស។ ក្នុងអាណត្តិនេះក្រសួង នឹងជំរុញការពង្រីកប្រព័ន្ធបណ្តាញជាតិបញ្ជូនអគ្គិសនីឆ្ពោះទៅកាន់ បណ្តាខេត្តដែលនៅសល់ គឺ៖ ខេត្តព្រៃវែង ស្វាយរៀង កោះកុង ប៉ៃលិន ក្រចេះ ស្ទឹងត្រែង កំពង់ធំ ព្រះវិហារ រតនគិរី មណ្ឌលគិរី និងឧត្តរមានជ័យ ហើយជាជំហានបន្ទាប់ត្រូវជំរុញឲ្យអគ្គិសនីកម្ពុជានិងសេវាករឯកជន ធ្វើការអភិវឌ្ឍន៍បណ្តាញបញ្ជូនរង និងបណ្តាញចែកចាយ ទៅកាន់ភូមិនានាដែលមិនទាន់មានការផ្គត់ផ្គង់ពីបណ្តាញជាតិ ដើម្បីឲ្យប្រជាពលរដ្ឋនៅតាមបណ្តាភូមិទាំងនេះទទួលបានការ ផ្គត់ផ្គង់មួយដែលមានគុណភាព និងស្ថេរភាព ដូចប្រជាពលរដ្ឋដែលរស់នៅរាជធានីភ្នំពេញនិងតំបន់ជុំវិញ រាជធានីដែរ។
ទន្ទឹមនេះ ក្រសួងក៏នឹងត្រូវជំរុញកាន់តែខ្លាំង ការលើកកំពស់សមធម៌ក្នុងការទទួលសេវាផ្គត់ផ្គង់អគ្គិសនី របស់ប្រជាពលរដ្ឋនៅតំបន់ជនបទ។ ឯកឧត្តម ស៊ុយ សែម បញ្ជាក់បន្ថែមថា ក្នុងអាណត្តិនេះ ក្រសួងនឹងបន្តជំរុញលើកកំពស់បន្ថែមទៀត នូវការយកចិត្តទុកដាក់ចំពោះគ្រួសារក្រីក្រនៅតំបន់ជនបទ តាមរយៈការជំរុញអនុវត្តកម្មវិធីសង្គមកិច្ចនានារបស់មូលនិធិ អគ្គិសនីភាវូបនីយកម្មជនបទ ដើម្បីជួយបង្កើតឲ្យមានការផ្តល់សេវាផ្គត់ផ្គង់អគ្គិសនីនៅតំបន់ ជនបទដែលពុំទាន់មានការផ្គត់ផ្គង់ និងជួយគ្រួសារក្រីក្រនៅតំបន់ជនបទឲ្យមានលទ្ធភាពភ្ជាប់ចរន្ត អគ្គិសនីប្រើប្រាស់។ក្រសួងនឹងជំរុញឲ្យអគ្គិសនីកម្ពុជាពង្រីកកញ្ចប់ថវិកាប្រចាំឆ្នាំបន្ថែម ក្នុងកម្មវិធីសង្គមកិច្ចរបស់មូលនិធិអគ្គិសនីភាវូបនីយកម្មជនបទ ដើម្បីជួយដល់គោលដៅ ៣ នៃអគ្គិសនីភាវូបនីយកម្មជនបទ ដូចខាងក្រោម ៖
១. ជួយផ្តល់ឥណទានអនុគ្រោះ ដល់សេវាករអគ្គិសនីតាមតំបន់នានា ដើម្បីពង្រីកបណ្តាញអគ្គិសនីទៅកាន់កន្លែងណាដែលពុំទាន់មានការផ្គត់ផ្គង់
២. ជួយធ្វើយ៉ាងណាឲ្យប្រជាពលរដ្ឋនៅតំបន់ដាច់ស្រយាល ដែលបណ្តាញជាតិពុំទាន់អាចពង្រីកទៅដល់ ឲ្យមានអគ្គិសនីប្រើប្រាស់ជាបណ្តោះអាសន្ន ដោយជួយបង្កើតឲ្យមានការផ្គត់ផ្គង់អគ្គិសនីបណ្តោះអាសន្ន ឬក៏ការជួយផ្តល់ប្រព័ន្ធពន្លឺព្រះអាទិត្យដល់គ្រួសារក្រីក្រនៅតំបន់ ជនបទដាច់ស្រយាល ។ល។
៣. ជួយផ្តល់ឥណទានគ្មានការប្រាក់រយៈពេលយូរ ដល់ប្រជាពលរដ្ឋក្រីក្រដើម្បីគាត់អាចមានលទ្ធភាពភ្ជាប់ចរន្ត ប្រើប្រាស់អគ្គិសនីបាន។
ទិសដៅយុទ្ធសាស្រ្តដ៏សំខាន់មួយទៀត របស់ក្រសួងរ៉ែ និងថាមពល ក្នុងអាណត្តិនេះ គឺការជំរុញដោះស្រាយបញ្ហាថ្លៃអគ្គិសនីខ្ពស់។បច្ចុប្បន្នថ្លៃលក់អគ្គិសនីនៅកម្ពុជានៅមានកម្រិតខ្ពស់ ទោះបីជា មានប្រទេសរីកចំរើនខ្លះ ក៏មានថ្លៃអគ្គិសនីខ្ពស់ជាងប្រទេសកម្ពុជាក៏ដោយ។ ទន្ទឹមនេះ គំលាតថ្លៃអគ្គិសនីរវាងរាជធានី ទីក្រុង និងជនបទ ក៏មានគំលាតខុសគ្នាយ៉ាងខ្លាំងពីតំបន់មួយទៅតំបន់មួយទៀតដែរ។ ក្នុងអាណត្តិនេះ ក្រសួង នឹងខិតខំជំរុញបន្ថែមនូវការអនុវត្តយន្តការចាំបាច់ផ្សេងៗ ដើម្បី៖ (១) សម្រេចឲ្យបាននូវការកាត់បន្ថយគំលាតថ្លៃអគ្គិសនីរវាងរាជធានី និងតំបន់នានាឲ្យនៅក្នុងកំរិតមួយសមស្របបំផុត និង (២) បញ្ចុះថ្លៃលក់អគ្គិសនីតាមតំបន់ចែកចាយនិមួយៗ ឲ្យអស់លទ្ធភាពក្នុងក្របខណ្ឌធ្វើយ៉ាងណារក្សានិរន្តរភាពនៃការផ្គត់ផ្គង់ផង និងរក្សាការចូលរួមវិនិយោគពង្រីកបណ្តាញផ្គត់ផ្គង់អគ្គិសនីរបស់ ផ្នែកឯកជនបន្តទៀតផង ។ ដើម្បីដោះស្រាយបញ្ហានេះ ឯកឧត្តម ស៊ុយ សែម បានដាក់ចេញនូវផែនការជាជំហានសម្រាប់អង្គភាពពាក់ព័ន្ធអនុវត្ត ក្នុងអាណត្តិទី ៥ នេះ ជាបន្តបន្ទាប់ដូចខាងក្រោម ៖
១.បញ្ចុះថ្លៃអគ្គិសនីនៅតំបន់ដែលភ្ជាប់ជាមួយបណ្តាញជាតិយូរហើយ៖ ចំពោះតំបន់ផ្គត់ផ្គង់ដែលភ្ជាប់ជាមួយបណ្តាញជាតិយូរហើយ ដោយសារ ទំហំទីផ្សារបានកើនឡើងធំជាងមុនផង និងដោយសារ ហេដ្ឋារចនាសម្ព័ន្ធចែកចាយក៏បានអភិវឌ្ឍន៍ជិតពេញដែនអាជ្ញាប័ណ្ណហើយដែរ ដូច្នេះត្រូវជំរុញឲ្យធ្វើការពិនិត្យថ្លៃអគ្គិសនីឡើងវិញ ដើម្បីបន្ថយថ្លៃអគ្គិសនីនេះឲ្យបានជាអតិបរិមា ប៉ុន្តែក្នុងក្របខណ្ឌទុកឲ្យសេវាករអគ្គិសនីអាចធ្វើអាជីវកម្មបន្តទៀតបាន ដើម្បីកុំឲ្យដាច់និរន្តរភាពនៃការផ្គត់ផ្គង់អគ្គិសនី ។
២.បញ្ចុះថ្លៃអគ្គិសនីនៅតំបន់ដែលតខ្សែបន្តទៅឆ្ងាយ៖ ចំពោះតំបន់ផ្គត់ផ្គង់ដែលតខ្សែបន្តទៅឆ្ងាយ ដោយសារត្រូវការរំលោះទុនវិនិយោគនៃខ្សែដែលត្រូវបន្តនេះ ថ្លៃអគ្គិសនីគឺខ្ពស់ជាងតំបន់ទី១ ខាងលើ ។ ដើម្បីជួយបន្ធូរបន្ថយបញ្ហាថ្លៃនៅតំបន់នេះ អាជ្ញាធរអគ្គិសនីកម្ពុជាធ្វើការពិនិត្យថ្លៃអគ្គិសនីនៅតំបន់ទាំងនេះឡើងវិញ ដើម្បីបន្ថយថ្លៃអគ្គិសនីនៅតំបន់ទាំងនេះមួយជំហានសិន ព្រមពេលជាមួយគ្នានេះ ត្រូវជំរុញឲ្យអគ្គិសនីកម្ពុជាធ្វើការពង្រីកបណ្តាញបញ្ជូនរងឲ្យដល់ទីនោះ ដើម្បីឲ្យថ្លៃអគ្គិសនីចុះថយជាបន្តបន្ទាប់មកស្មើនឹងតំបន់ទី១ដែរ ។
៣.បញ្ចុះថ្លៃអគ្គិសនីនៅតំបន់ដែលនៅផលិតអគ្គិសនីពីម៉ាស៊ីនប្រើម៉ាស៊ូត៖ ចំពោះតំបន់ផ្គត់ផ្គង់ដែលនៅផលិតអគ្គិសនីពីម៉ាស៊ីនដេស្យែល ដែលមានថ្លៃលក់ខ្ពស់ជាងគេ នៅក្នុងពេលចំពោះមុខនេះ យើងពុំមានជម្រើសអ្វីផ្សេង ក្រៅពីជំរុញឲ្យអគ្គិសនីកម្ពុជាខិតខំពង្រីកបណ្តាញបញ្ជូនរង បញ្ជូនប្រភពអគ្គិសនីពីបណ្តាញជាតិឬពីប្រភពផ្សេងៗទៀតទៅជំនួស ឲ្យបានឆាប់រហ័ស ដែលអាចបន្ថយថ្លៃអគ្គិសនីនៅតំបន់ទាំងនេះឲ្យមកស្មើនឹងថ្លៃអគ្គិសនី នៅតំបន់ភ្ជាប់ជាមួយបណ្តាញបញ្ជូនរងផ្ទាល់វិញ ដូចតំបន់ទី១ខាងលើ ។
៤.បញ្ចុះថ្លៃអគ្គិសនីឲ្យប្រហាក់ប្រហែលគ្នាទូទាំងប្រទេស៖ យុទ្ធសាស្រ្តចុងក្រោយនៃបញ្ហាថ្លៃអគ្គិសនី គឺការបញ្ចុះថ្លៃអគ្គិសនីដែលនៅមានកម្រិតខ្ពស់ឲ្យថយចុះ ខិតមកជិតថ្លៃអគ្គិសនីដែលទាប មានន័យថាធ្វើឲ្យថ្លៃអគ្គិសនីទូទាំងប្រទេសមានកម្រិតប្រហាក់ប្រហែលគ្នា។ ចំពោះយុទ្ធសាស្ត្រនេះ ក្រសួងនឹងត្រូវពិនិត្យការបង្កើតនូវយន្តការឧបត្ថម្ភធនឆ្លើយឆ្លងគ្នារវាងតំបន់ទីក្រុង និងតំបន់ជនបទ។
កិច្ចប្រជុំឧទ្ទេសនាមការងារ និងកំណត់ទិសដៅយុទ្ធសាស្រ្តរបស់ក្រសួងរ៉ែ និងថាមពល បានដំណើរការប្រកបដោយជោគជ័យ និងបានបញ្ចប់នៅវេលាម៉ោង ១២:០០ នាថ្ងៃទី២០ ខែមករា ឆ្នាំ២០១៤៕
ច័ន្ទ 20 មករា 2014 | បានអាន 2142
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
