ចក្ខុវិស័យ និងបេសកកម្ម
ក្នុង​អាណត្តិទី​៥ នៃ​រដ្ឋសភាជាតិ រាជរដ្ឋាភិបាល​បាន​សម្រេច​បំបែកអតីតក្រសួង​ឧស្សាហកម្ម រ៉ែ និង​ថាមពល ជា​ពីរក្រសួង​ គឺ ក្រសួង​ឧស្សាហកម្មនិង​សិប្បកម្ម និង​ ក្រសួង​រ៉ែនិង​ថាមពល​។ ច្បាប់​ស្តីពីការ​បង្កើត​ក្រសួង​រ៉ែនិង​ថាមពល​ ត្រូវ​បាន​រដ្ឋសភាអនុម័ត​កាលពី​ថ្ងៃទី​១២ ខែ​វិច្ឆិកា ឆ្នាំ​២០១៣ និង​ត្រូវ​បាន​ប្រកាស​ឱ្យប្រើ​ដោយ​ព្រះ​រាជក្រម​លេខ​ នស/រកម/១២១៣/០១៧ ចុះថ្ងៃទី​០៦ ខែ​ធ្នូ ឆ្នាំ​២០១៣។ ការ​រៀបចំ​បំបែកជា​ក្រសួង​ថ្មី​ គឺ​ជា​សក្ខីភាព​បញ្ជាក់​ពី​ការ​យកចិត្តទុកដាក់​ជា​អាទិភាព​ក្នុង​ការ​គ្រប់គ្រង​និង​វិស័យ​រ៉ែ ប្រេងកាត​ និង​វិស័យ​ថាមពល​ឱ្យ​កាន់​តែ​មាន​ប្រសិទ្ធភាព​ ប្រសិទ្ធផល​ និង​តម្លាភាព។
 
ក្រសួង​រ៉ែនិង​ថាមពល​ បំពេញ​មុខងារ​ជាសេនាធិការ​ឱ្យរាជរដ្ឋាភិបាល​ លើ​បេសកកម្ម​ដឹកនាំនិង​គ្រប់គ្រង​លើវិស័យ​រ៉ែ និងថាមពល​ រួម​ទាំង​វិស័យ​ប្រេងកាត ឧស្ម័ន និង​អគ្គិសនីនៃព្រះរាជាណាចក្រកម្ពុជា។ ក្រសួង​មាន​បេសកកម្ម​រៀបចំ និង​អនុវ​ត្ត​ឱ្យ​បាន​ត្រឹមត្រូវ​នូវ​គោលនយោបាយ​ ក្របខណ្ឌច្បាប់​និង​បទបញ្ជា​ទាំង​ឡាយ​ ដែលទាក់ទង​នឹង​ការ​គ្រប់គ្រង​វិស័យ​រ៉ែនិង​ថាមពល​ រួមទាំង​វិស័យ​ប្រេងកាត​ ឧស្ម័ន និង​អគ្គិសនី​។
សុក្រ 10 កក្កដា 2015  |  បានអាន 7578
ថ្ងៃនេះ :
01278
ម្សិលមិញ :
02468
សរុប :
00410170
Flag Counter