រាជធានីភ្នំពេញ៖ បន្ទាប់ពីរាជរដ្ឋាភិបាល បានប្រកាសបង្កើត ក្រសួងរ៉ែ និងថាមពល ថ្មីជាផ្លូវការ កាលពីថ្ងៃទី២៧ ខែធ្នូ ឆ្នាំ២០១៣ និងយោងតាមការណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងសម័យប្រជុំពេញអង្គគណៈរដ្ឋមន្ត្រីនាថ្ងៃទី ១៨ ខែកក្កដា ឆ្នាំ២០១៤ ក្រសួងរ៉ែ និងថាមពល បានរៀបចំកិច្ចប្រជុំត្រួតពិនិត្យការងារដែលបានអនុវត្តនាពេលកន្លងមក ដែលប្រព្រឹត្តិទៅនៅសាលប្រជុំរបស់អាជ្ញាធរអគ្គិសនីកម្ពុជា កាលពីថ្ងៃទី ២០ ខែសីហាឆ្នាំ២០១៤ ក្រោមវត្តមានដ៏ខ្ពង់ខ្ពស់ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល និងថ្នាក់ដឹកនាំ មន្ត្រីរាជការទីស្តីការក្រសួង និងប្រធាន-អនុប្រធានមន្ទីរ រាជធានី-ខេត្ត ប្រមាណ ១៥០នាក់។
គោលបំណងនៃកិច្ចប្រជុំនេះ គឺពិនិត្យមើលលើការអនុវត្តការងារសម្រេចបានអ្វីខ្លះក្នុងរយៈពេល ៨ ខែ ២៥ ថ្ងៃ ចាប់តាំងពីពេលបង្កើតក្រសួងមកនេះ ហើយនៅមានចំណុចខ្វះខាត និងបញ្ហាប្រឈមអ្វីខ្លះ ដើម្បីលើកជាមតិ ផ្តល់យោបល់ ចំពោះថ្នាក់ដឹកនាំរបស់ខ្លួន ក្នុងន័យស្ថាបនា ធ្វើជាកញ្ចក់ជូនពួកគាត់ដើម្បីបានឆ្លុះខ្លួនធ្វើការកែលម្អរ និងរួមគ្នាដោះស្រាយ។
ពុធ 20 សីហា 2014 | បានអាន 2026
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
