អគារការិយាល័យចំណុះទីស្តីការក្រសួងរ៉ែ និងថាមពល ត្រូវបានប្រារព្ធពិធីបញ្ចុះបឋមសិលានៅរសៀលថ្ងៃទី២៨ ខែមករា ឆ្នាំ២០១៥ ក្រោមអធិបតីភាព ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល រួមទាំងថ្នាក់ដឹកនាំរដ្ឋមន្ត្រីជាន់ខ្ពស់ជាច្រើនរូបទៀតនៃក្រសួងរ៉ែ និងថាមពល ព្រមទាំងថ្នាក់ដឹកនាំក្រុមហ៊ុន Cambodia Petrochemical Co,.Ltd (CPC)។ អគារការិយាល័យមានទីតាំងស្ថិតនៅ ដីឡូត៍លេខ ១៣-១៤ ផ្លូវសហព័ន្ធរុស្ស៊ី សង្កាត់កាកាប ខណ្ឌដង្កោ រាជធានីភ្នំពេញ។ អគារការិយាល័យនេះជាជំនួយឥតសំណងរបស់ក្រុមហ៊ុន Cambodia Petrochemical Co,.Ltd ដែលជាក្រុមហ៊ុនមួយបានទទួលកាអនុញ្ញាតពីរាជរដ្ឋាភិបាលក្នុងគម្រោងវិនិយោគចម្រាញ់ប្រេងកាតនៅកម្ពុជា។ ក្នុងការសាងសង់អគារការិយាល័យត្រូវធ្វើឡើងជាពីរវគ្គ ដែលវគ្គទីមួយមានអាគារការិយាល័យចំនួនមួយ សាលប្រជុំមួយ និងទីធ្លាជុំវិញដីសាងសង់ និងវគ្គទីពីរក្រុមហ៊ុននឹងសាងសង់បន្ថែមនូវអាគារការិយាល័យចំនួនពីរ និងឃ្លាំងចំនួនមួយ។ សម្រាប់ការសាងសង់វគ្គទីមួយនេះ និងត្រូវសម្រេចឲ្យរួចរាល់ក្នុងរង្វង់ខែកក្កដា ឆ្នាំ២០១៥ គិតចាប់ពីថ្ងៃបើកការដ្ឋានសាងសង់។
សុក្រ 30 មករា 2015 | បានអាន 971
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
