នាថ្ងៃទី ១៣-០៣-២០១៥ ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពលបានបើកកិច្ចប្រជុំស្តីអំពីការធ្វើអាជីវកម្មខ្សាច់នៅខេត្តពោធិ៍សាត់ ដោយមានការចូលរួមពីអាជ្ញាធរខេត្ត អគ្គនាយកដ្ឋានធនធានរ៉ែ មន្ទីធនធានទឹក មន្ទីរ៉ែ និងថាមពល និងអាជីវករខ្សាច់។ គ្រប់ភាគីទាំងអស់បានឯកភាពផ្អាកការធ្វើអាជីវកម្មរ៉ែខ្សាច់ជាបណ្តោះអាសន្នរហូតដល់បញ្ហាអាជ្ញាប័ណ្ណត្រូវបានដោះស្រាយ។ ក៏ប៉ុន្តែក្រសួងបានសង្កេតឃើញថាមានក្រុមហ៊ុនខ្លះមិនបានគោរពនូវកិច្ចព្រមព្រាងនេះទេ ហើយបន្តធ្វើអាជីវកម្មដោយអនាធិបតេយ្យ។ ក្រសួងសូមអោយអាជ្ញាធរខេត្តចាត់វិធានការចំពោះរឿងនេះអោយមានប្រសិទ្ធិភាពខ្ពស់បំផុតដើម្បីចៀសវាងការខាតបង់ដល់ផលប្រយោជន៍ជាតិ និងប្រជាពលរដ្ឋ។ យោងតាមអនុក្រឹត្យលេខ ១៤០៤ ចុុះថ្ងៃទី ១៨ - ០៩ - ២០១៤ បទល្មើស ឫ ភាពអនាធិបតេយ្យនៃការធ្វើអាជីវកម្មខ្សាច់កើតមាននៅក្នុងភូមិសាស្ត្រណា អភិបាលនៃគណៈអភិបាលរាជធានី-ខេត្តនោះ ត្រូវទទួលខុសត្រូវទាំងស្រុងចំពោះមុខរាជរដ្ឋាភិបាល។ នៅក្នុងរូបភាពនេះ ជាសកម្មភាពបូម និងដឹកខ្សាច់ដែលពុំមានច្បាប់អនុញាតនៅឃុំអន្លង់វិល ស្រុកកណ្តៀង ខេត្តពោធិ៍សាត់ ។
ព្រហស្បតិ៍ 19 មិនា 2015 | បានអាន 2125
អង្គភាពក្រោមឱវាទ
ឯកសារថ្មីៗ
មណ្ឌលព័ត៍មាន
