នាវេលាម៉ោង ៩ ព្រឹក ថ្ងៃទី ១៨-០៥-២០១៥ ឯ.ឧ ស៊ុយ សែម រដ្ឋមន្ត្រីក្រសួងរ៉ែ និងថាមពលបានទទួលជួបលោក Justin Tremain អគ្គនាយកក្រុមហ៊ុនរុករករ៉ែមាស Renaissance Minerals (Cambodia) Limited. លោក Justin Tremain បានរាយការណ៍ជូន ឯ.ឧ រដ្ឋមន្ត្រីអំពីការងារដែលក្រុមហ៊ុនបាន និងកំពុងប្រតិបត្តិនៅតំបន់អូរខ្វាវ ខេត្តមណ្ឌលគីរី។
ក្រុមហ៊ុនបាន ៖ ១. បញ្ចប់ការសិក្សាបឋមនៃការអភិវឌ្ឍ
២. ធ្វើការសិក្សាទៅលើបរិស្ថាន និងសង្គម
៣. ធ្វើការសិក្សាទៅលើជលវិទ្យា (ទឹកនៅក្រោមដី និងនៅលើផ្ទៃដី)
៤. ខួង និងសិក្សាអំពីស្ថានភាពដី
៥. ខួង និងសិក្សាអំពីសក្តានុពលនៃធនធានរ៉ែ
ឯ.ឧ រដ្ឋមន្ត្រីបានជុំរុញអោយក្រុមហ៊ុនរៀបចំផែនការ អាជីវកម្មអោយបានលឿនដែលអាចធ្វើទៅបាននៅពេលរាល់ការសិក្សាទាំងអស់ត្រូវបានបញ្ចប់។
ការធ្វើអាជីវកម្មរ៉ែត្រូវតែឈរលើគោលការណ៍៖
- ពង្រឹងប្រសិទ្ធភាពដើម្បីបង្កើនចំណូលចូលថវិកាជាតិ
- ការពារសហគមន៍មូលដ្ឋាន និងសង្គម
- និងការពារបរិស្ថាន
អង្ការ៍ 19 ឧសភា 2015 | បានអាន 1549