ពិធីប្រកាសសម្រួលភារកិច្ច និងតែងតាំងប្រធានមន្ទីររ៉ែ និងថាមពលខេត្តមណ្ឌលគីរី
 មណ្ឌលគីរី:នាវេលារសៀលថ្ងៃទី ២៥ ខែ មេសា ឆ្នាំ២០១៤ នេះ នៅសាលាខេត្តមណ្ឌលគីរីមានរៀបចំពិធី ប្រកាសសម្រួលភារកិច្ច និងតែងតាំង លោក សាន់ ដារិទ្ឋ ពីប្រធានមន្ទីរឧស្សាហកម្ម រ៉ែ និងថាមពល ជាប្រធានមន្ទីរ៉ែ និងថាមពល ក្រោមអធិបតីភាព ឯកឧត្តម ឌិត ទីណា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល និងមានការចូលរួមដោយឯកឧត្តម ញ៉ា រ៉ាងចាន់ ប្រធានក្រុមប្រឹក្សាខេត្ត លោក ស្វាយ សំអៀងអភិបាលរង នៃគណ:អភិបាលខេត្តមណ្ឌលគីរី រួមទាំងមន្រ្តីរាជការថ្នាក់ក្រសួង មន្ទីរពាក់ពន្ឋ័ជុំវិញខេត្ត កងកំ់លាំងប្រដាប់អាវុធគ្រប់ប្រភេទប្រមាណ ១៥០ នាក់។ 

បន្ទាប់ពិធីប្រគល់ប្រកាសតែងតាំង និងប្រគល់ត្រាជូនលោក សាន់ ដារិទ្ឋ ជាប្រធានមន្ទីររួចមក លោក ស្វាយ សំអៀង និង ឯកឧត្តម ឌិត ទីណា បានមានមតិសំណាល និងផ្តាំផ្ញើដល់លោកប្រធានមន្ទីរ ដែលទើបទទួលបានការតែងតាំងថ្មីអោយយកចិត្តទុកដាក់ ក្នុងអនុវត្តការងារ ស្របតាមគោលនយោបាយ យុទ្ឋសាស្ត្រចតុកោណ ដំណាក់កាលទី ៣ របស់រាជរដ្ឋាភិបាល និងត្រូវរួបរួមសាមគ្គីផ្ទៃក្នុង និងជាមួយស្ថាប័នពាក់ពន្ឋ័ សំដៅអោយការងារបានរលូន និងក្តាប់អោយបាននូវការងារជំនាញ របស់ក្រសួងដែលរួមមានវិស័យសំខាន់ៗ បី គឺ រ៉ែ ថាមពល ប្រេងកាតនិងឧស្ម័ន និងសំណូមពរដល់លោកប្រធានមន្ទីរយកចិត្តទុកដាក់លើ ការផ្តល់សេវាសាធារណ: ជូនដល់ប្រជាជនអោយបានល្អប្រសើរ ចូលរួមបង្រ្កាប និងទប់ស្កាត់ការធ្វើ អាជីវកម្មរ៉ែអានាធិបតេយ្យដែលធ្វើឱ្យប៉ះពាល់ដល់បរិស្ថាន។
សុក្រ 25 មេសា 2014  |  បានអាន 699
អង្គភាពក្រោមឱវាទ
ថ្ងៃនេះ :
00647
ម្សិលមិញ :
00930
សរុប :
01086747
Flag Counter