នៅក្នុងឱកាសបុណ្យទិវានៃសេចក្តីស្រលាញ់ (Valentine’s Day) ១៤ កុម្ភៈ ២០១៥ នេះ ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល នឹងចុះជួបសំណេះសំណាលជាមួយយុវជន យុវនារី ចំនួន ២៩១០ នាក់ នៅស្រុកបាកាន ខេត្តពោធិសាត់។ ការសំណេះសំណាលនេះ នឹងផ្តោតទៅលើការស្រលាញ់គ្រួសារ ការស្រលាញ់មិត្តភក្តិ ការស្រលាញ់ការសិក្សា និងការស្រលាញ់ប្រទេសជាតិ ដោយមូលហេតុថា មួយរយៈចុងក្រោយនេះ យុវជន យុវនារី យើងមានការយល់ច្រឡំ អំពីអត្ថន័យនៃទិវាបុណ្យនេះ ដែលធ្វើឱ្យយុវវ័យភ្លើតភ្លើនភ្លេចការសិក្សា បាត់បង់សេចក្តីថ្លៃថ្នូរ និងកិត្តិយសរបស់ខ្លួនជាពិសេសបានធ្វើឱ្យប៉ះពាល់វប្បធម៌ និងប្រពៃណីជាតិ។
ព្រហស្បតិ៍ 12 កុម្ភៈ 2015 | បានអាន 1262