ទិដ្ឋភាពទូទៅ
ក្រសួងមានតួនាទីត្រួតពិនិត្យខ្សែសង្វាក់តម្លៃប្រេងកាតទាំងមូល ចាប់ពីផ្នែកអាប់ស្ទ្រីមរហូតដល់ផ្នែកដោនស្រ្ទីម។ ក្រសួង គឺជាអ្នកអភិវឌ្ឍ និងអនុវត្តគោលនយោបាយវិស័យប្រេងកាត ចេញលិខិតអនុញ្ញាតនិងអាជ្ញាប័ណ្ណ គ្រប់គ្រងប្រតិបត្តិការប្រេងកាត និងធានាការប្រកាន់ខ្ជាប់នូវស្តង់ដារសុវត្ថិភាព និងបរិស្ថាន។ ក្នុងនាមជាសសរស្តម្ភកណ្តាលនៃសន្តិសុខថាមពលជាតិ ក្រសួងក៏ដឹកនាំកិច្ចខិតខំប្រឹងប្រែងដើម្បីផ្លាស់ប្តូរទៅរកការប្រើប្រាស់ថាមពលស្អាតជាងមុន និងការអភិវឌ្ឍន៍ប្រកបដោយចីរភាព។ លើសពីនេះ ក្រសួងនឹងជួយលើកកម្ពស់ឱកាសវិនិយោគ និងធានានូវការទទួលខុសត្រូវក្នុងការគ្រប់គ្រងធនធានប្រេងកាតសម្រាប់ផលប្រយោជន៍រយៈពេលវែងរបស់ប្រទេសជាតិ ។
