នីតិវិធី និងពាក្យស្នើសុំធ្វើសេវាកម្មបញ្ចូលថាមពលសម្រាប់យានយន្តអគ្គិសនី

ការស្នើសុំលិខិតអនុញ្ញាត

នីតិវិធីស្នើសុំលិខិតអនុញ្ញាតការអភិវឌ្ឍ សាងសង់ និងដំឡើងស្ថានីយបញ្ចូលថាមពលសម្រាប់យានយន្តអគ្គិសនី

ជំហានទី១៖	បំពេញទម្រង់ពាក្យស្នើសុំពាក់ព័ន្ធដោយផ្អែកលើគំរូឯកសារដែលបានផ្តល់ជូនក្នុងឧបសម្ព័ន្ធនៃ ប្រកាស ហើយអាចទាញយកបាន នៅទីនេះ ។
ជំហានទី២៖	អ្នកដាក់ពាក្យស្នើសុំត្រូវបំពេញពាក្យស្នើសុំលិខិតអនុញ្ញាតភ្ជាប់មកជាមួយសំណុំឯកសារមកការិយាល័យច្រកចេញចូលតែមួយនៃក្រសួងរ៉ែនិងថាមពល។ ការិយាល័យច្រកចេញចូលតែមួយ នឹងបញ្ជូនឯកសារបន្តទៅនាយកដ្ឋានទទួលបន្ទុកដើម្បីពិនិត្យ។ ពាក្យស្នើសុំនឹងត្រូវបានចាត់ទុកជាផ្លូវការនៅពេលដែលនាយកដ្ឋានទទួលបន្ទុកបញ្ជាក់ពីភាពពេញលេញនិងត្រឹមត្រូវ។
ជំហានទី៣៖	មន្ត្រីបច្ចេកទេសនៃនាយកដ្ឋានទទួលបន្ទុកនឹងធ្វើការត្រួតពិនិត្យទីតាំងរៀបចំរបាយការណ៍និងបញ្ជូនវាសម្រាប់ការអនុម័ត។
ជំហានទី៤៖	ដំណើរការអនុម័តនឹងត្រូវបានបញ្ចប់ក្នុងរយៈពេល ២១ (ម្ភៃមួយ) ថ្ងៃ នៃថ្ងៃធ្វើការចាប់ពីថ្ងៃដែលបានទទួលបានពាក្យស្នើសុំដែលមានភាពពេញលេញនិងត្រឹមត្រូវ។ នៅពេលរួចរាល់ អ្នកស្នើសុំអាចទទួលបានលិខិតអនុញ្ញាតពីនាយកដ្ឋានទទួលបន្ទុក
ជំហានទី៥៖	បេក្ខជនត្រូវបង់កម្រៃសេវាសាធារណៈដូចមានចែងក្នុងប្រកាសអន្តរក្រសួង។