នីតិវិធី និងពាក្យស្នើសុំធ្វើសេវាកម្មបញ្ចូលថាមពលសម្រាប់យានយន្តអគ្គិសនី
នីតិវិធី និងពាក្យស្នើសុំលិខិតអនុញ្ញាតឱ្យដំឡើងថាមពលពន្លឺព្រះអាទិត្យលើដំបូល
នីតិវិធី និងពាក្យស្នើសុំចុះបញ្ជីរូបវន្តបុគ្គលឬនីតិបុគ្គលផ្នែកដំណោះស្រាយថាមពល
នីតិវិធី និងពាក្យស្នើសុំនាំចូលនិងប្រើប្រាស់សារធាតុវិទ្យុសកម្ម និងប្រភពវិទ្យុសកម្ម

នីតិវិធី និងពាក្យស្នើសុំចុះបញ្ជីរូបវន្តបុគ្គលឬនីតិបុគ្គលផ្នែកដំណោះស្រាយថាមពល


នីតិវិធីស្នើសុំចុះឈ្មោះជា អ្នកគ្រប់គ្រងថាមពល សវនករថាមពល ឬអ្នកជំនាញប្រព័ន្ធថាមពល
ជំហានទី១៖
  • បំពេញទម្រង់ពាក្យស្នើសុំពាក់ព័ន្ធ ដោយផ្អែកលើគំរូឯកសារដែលបានផ្តល់ជូនក្នុងឧបសម្ព័ន្ធ​នៃ ប្រកាស ហើយអាចទាញយកបាន នៅទីនេះ ។
  • មុននឹងដាក់ពាក្យស្នើសុំទៅការិយាល័យច្រកចេញចូលតែមួយ អ្នកដាក់ពាក្យស្នើសុំគួរពិនិត្យលើប្រភេទទាំងបីខាងក្រោមជាមុនសិន រួមមាន៖
    1. សម្រាប់អ្នកដាក់ពាក្យស្នើសុំដែលមានបទពិសោធន៍ច្រើនជាង ៧ឆ្នាំ វិញ្ញាបនបត្រនឹងត្រូវបានផ្តល់ជូនដោយស្វ័យប្រវត្តិ
    2. សម្រាប់អ្នកដាក់ពាក្យស្នើសុំដែលមានបទពិសោធន៍ច្រើនរយៈពេល ៣ ទៅ ៧ឆ្នាំ វិញ្ញាបនបត្រគួរត្រូវបានផ្តល់ជូននៅពេលបានឆ្លងកាត់ “ការសាកល្បងជំនាញ” ពីស្ថាប័នបណ្តុះបណ្តាលដែលមានការទទួលស្គាល់
    3. សម្រាប់អ្នកដាក់ពាក្យស្នើសុំដែលមានបទពិសោធន៍តិចជាងរយៈពេល ៣ឆ្នាំ វិញ្ញាបនបត្រគួរត្រូវបានផ្តល់ជូនបន្ទាប់ពីបានបញ្ចប់វគ្គបណ្តុះបណ្តាលបន្ថែម និងបានឆ្លងកាត់ “ការសាកល្បងជំនាញ” ពីស្ថាប័នបណ្តុះបណ្តាលដែលមានការទទួលស្គាល់
ជំហានទី២៖
  • អ្នកដាក់ពាក្យស្នើសុំត្រូវបំពេញពាក្យស្នើសុំលិខិតអនុញ្ញាតភ្ជាប់មកជាមួយសំណុំឯកសារមកការិយាល័យច្រកចេញចូលតែមួយនៃក្រសួងរ៉ែនិងថាមពល។ ការិយាល័យច្រកចេញចូលតែមួយ នឹងបញ្ជូនឯកសារបន្តទៅនាយកដ្ឋានទទួលបន្ទុកដើម្បីពិនិត្យ។ ពាក្យស្នើសុំនឹងត្រូវបានចាត់ទុកជាផ្លូវការនៅពេលដែលនាយកដ្ឋានទទួលបន្ទុកបញ្ជាក់ពីភាពពេញលេញនិងត្រឹមត្រូវ។
ជំហានទី៣៖
  • មន្ត្រីបច្ចេកទេសនៃនាយកដ្ឋានទទួលបន្ទុកនឹងធ្វើការត្រួតពិនិត្យផ្ទៀងផ្ទាត់ វាយតម្លៃពាក្យស្នើសុំ ផ្អែកលើឯកសារដែលបានដាក់ស្នើ ត្រៀមសម្រាប់ការអនុម័ត។
ជំហានទី៤៖
  • ដំណើរការអនុម័តនឹងត្រូវបានបញ្ចប់ក្នុងរយៈពេល ១០ (ដប់) ថ្ងៃ នៃថ្ងៃធ្វើការ ចាប់ពីថ្ងៃដែលបានទទួលបានពាក្យស្នើសុំដែលមានភាពពេញលេញ និងត្រឹមត្រូវ
  • នៅពេលរួចរាល់ អ្នកស្នើសុំអាចទទួលបាន វិញ្ញាបនបត្រ និង បណ្ណសម្គាល់ ពីនាយកដ្ឋានទទួលបន្ទុក
  • វិញ្ញាបនបត្រ សម្រាប់ អ្នកគ្រប់គ្រងថាមពល សវនករថាមពល ឬអ្នកជំនាញប្រព័ន្ធថាមពល មានសុពលភាពរយៈពេល ៥ឆ្នាំ និងអាចបន្តសុពលភាពរយៈពេល ៥ឆ្នាំបន្ថែមទៀត។
ជំហានទី៥៖
  • បេក្ខជនត្រូវបង់កម្រៃសេវាសាធារណៈដូចមានចែងក្នុងប្រកាសអន្តរក្រសួង។

នីតិវិធីស្នើសុំចុះឈ្មោះជា អ្នកផ្តល់សេវាកម្មថាមពល ក្នុងការដំឡើង ថែទាំ និង/ឬ ជួសជុលប្រព័ន្ធថាមពល ឬ ជាក្រុមហ៊ុនសេវាកម្មថាមពល 
ជំហានទី១៖
  •  បំពេញទម្រង់ពាក្យស្នើសុំពាក់ព័ន្ធ ដោយផ្អែកលើគំរូឯកសារដែលបានផ្តល់ជូនក្នុងឧបសម្ព័ន្ធនៃ ប្រកាស ហើយអាចទាញយកបាន នៅទីនេះ។
ជំហានទី២៖
  • អ្នកដាក់ពាក្យស្នើសុំ ត្រូវបំពេញពាក្យស្នើសុំលិខិតអនុញ្ញាត ភ្ជាប់មកជាមួយសំណុំឯកសារ មកការិយាល័យច្រកចេញចូលតែមួយ នៃក្រសួងរ៉ែនិងថាមពល។ ការិយាល័យច្រកចេញចូលតែមួយនឹងបញ្ជូនឯកសារបន្តទៅនាយកដ្ឋានទទួលបន្ទុកដើម្បីពិនិត្យ។ ពាក្យស្នើសុំនឹងត្រូវបានចាត់ទុកជាផ្លូវការ នៅពេលដែលនាយកដ្ឋានទទួលបន្ទុកបញ្ជាក់ពីភាពពេញលេញនិងត្រឹមត្រូវ។
ជំហានទី៣៖
  • មន្ត្រីបច្ចេកទេសនៃនាយកដ្ឋានទទួលបន្ទុកនឹងធ្វើការត្រួតពិនិត្យផ្ទៀងផ្ទាត់ និងវាយតម្លៃពាក្យស្នើសុំ ផ្អែកលើឯកសារដែលបានដាក់ស្នើ ត្រៀមសម្រាប់ការអនុម័ត។
ជំហានទី៤៖
  • ដំណើរការអនុម័តនឹងត្រូវបានបញ្ចប់ក្នុងរយៈពេល ១០ (ដប់) ថ្ងៃ នៃថ្ងៃធ្វើការ ចាប់ពីថ្ងៃដែលបានទទួលបានពាក្យស្នើសុំដែលមានភាពពេញលេញ និងត្រឹមត្រូវ
  • នៅពេលរួចរាល់ អ្នកស្នើសុំអាចទទួលបាន វិញ្ញាបនបត្រ ពីនាយកដ្ឋានទទួលបន្ទុក
ជំហានទី៥៖
  • បេក្ខជនត្រូវបង់កម្រៃសេវាសាធារណៈដូចមានចែងក្នុងប្រកាសអន្តរក្រសួង។