នីតិវិធីស្នើសុំលិខិតអនុញ្ញាតឱ្យដំឡើងប្រព័ន្ធថាមពលពន្លឺព្រះអាទិត្យលើដំបូល
អ្នកផ្តល់សេវា ផ្តល់សេវាលើការដំឡើង ប្រតិបត្តិការ ឬការថែទាំប្រព័ន្ធថាមពលពន្លឺព្រះអាទិត្យលើដំបូលត្រូវតែ៖
- ស្នើសុំលិខិតអនុញ្ញាតសម្រាប់ការផ្តល់សេវាកម្មដំឡើងប្រព័ន្ធថាមពលពន្លឺព្រះអាទិត្យលើដំបូលជូនអ្នកប្រើប្រាស់អគ្គិសនី ពីក្រសួងរ៉ែនិងថាមពល
- ស្នើសុំអាជ្ញាប័ណ្ណផ្តល់សេវាកម្មដំឡើងប្រព័ន្ធថាមពលពន្លឺព្រះអាទិត្យលើដំបូល ពីអាជ្ញាធរអគ្គិសនីកម្ពុជា។
ជំហានខាងក្រោមអនុវត្តចំពោះតែដំណើរការអនុម័តរបស់ក្រសួងរ៉ែនិងថាមពលតែប៉ុណ្ណោះ។ ពាក្យស្នើសុំដាច់ដោយឡែកសម្រាប់ស្នើសុំអាជ្ញាប័ណ្ណត្រូវដាក់ជូនអាជ្ញាធរអគ្គិសនីកម្ពុជា។
ដំណើរការនៃការដាក់ពាក្យស្នើសុំ៖
| ជំហានទី១៖ | - បំពេញទម្រង់ពាក្យស្នើសុំពាក់ព័ន្ធ ដោយផ្អែកលើគំរូឯកសារដែលបានផ្តល់ជូនក្នុងឧបសម្ព័ន្ធនៃ ប្រកាស ហើយអាចទាញយកបាន នៅទីនេះ ។
|
| ជំហានទី២៖ | - អ្នកដាក់ពាក្យស្នើសុំ ត្រូវបំពេញពាក្យស្នើសុំលិខិតអនុញ្ញាត ភ្ជាប់មកជាមួយសំណុំឯកសារមកការិយាល័យច្រកចេញចូលតែមួយនៃក្រសួងរ៉ែនិងថាមពល។ ការិយាល័យច្រកចេញចូលតែមួយនឹងបញ្ជូនឯកសារបន្តទៅនាយកដ្ឋានទទួលបន្ទុកដើម្បីពិនិត្យ។ ពាក្យស្នើសុំនឹងត្រូវបានចាត់ទុកជាផ្លូវការ នៅពេលដែលនាយកដ្ឋានទទួលបន្ទុកបញ្ជាក់ពីភាពពេញលេញនិងត្រឹមត្រូវ។
|
| ជំហានទី៣៖ | - មន្ត្រីបច្ចេកទេសនៃនាយកដ្ឋានទទួលបន្ទុកនឹងធ្វើការត្រួតពិនិត្យទីតាំងដំឡើងប្រព័ន្ធសូឡាលើដំបូល និង/ឬ ការិយាល័យរបស់ក្រុមហ៊ុន និងដាក់បញ្ជូនរបាយការណ៍សម្រាប់ការអនុម័ត។
|
| ជំហានទី៤៖ | - ដំណើរការអនុម័តនឹងត្រូវបានបញ្ចប់ក្នុងរយៈពេល ២១ (ម្ភៃមួយ) ថ្ងៃ នៃថ្ងៃធ្វើការចាប់ពីថ្ងៃដែលបានទទួលបានពាក្យស្នើសុំដែលមានភាពពេញលេញនិងត្រឹមត្រូវ
- នៅពេលរួចរាល់ អ្នកស្នើសុំអាចទទួលបានលិខិតអនុញ្ញាតពីនាយកដ្ឋានទទួលបន្ទុក។
|
| ជំហានទី៥៖ | - បេក្ខជនត្រូវបង់កម្រៃសេវាសាធារណៈដូចមានចែងក្នុងប្រកាសអន្តរក្រសួង។
|