ផែនទីភូមិសាស្រ្ត

ប្រទេសកម្ពុជា គឺជាទីតាំងភូមិសាស្ត្រដែលមានរចនាសម្ព័ន្ធចំនួន៣ ខុសពីគ្នា៖ (១) Triassic និង Liassic “ឈូងសមុទ្របុរាណ” ដែលគ្របដណ្តប់យ៉ាងធំនៅភាគខាងកើត (២) Jurassic–Cretaceous “ស្រទាប់ថ្មខ្សាច់ទ្វីប” ដែលជាតំបន់ខ្ពង់រាបសំខាន់នៅភាគខាងលិច និងនៅចន្លោះនោះ គឺ (៣) Quaternary “អាងស្រទាប់ដី” ដែលគ្របដណ្តប់លើវាលទំនាបកណ្តាលទាំងមូលនៃប្រទេស។

ការសិក្សាពីភូមិសាស្ត្របានបង្ហាញពីកំណើតនៃស្រទាប់ថ្ម ដោយដំណើរការកកើត (sedimentary formations) ជាបន្តបន្ទាប់ ចាប់ពីសម័យ Precambrian នៅខាងក្រោម រហូតដល់សម័យ Cretaceous នៅខាងលើ។ ស្រទាប់ទាំងនេះ ត្រូវបានប៉ះពាល់ដោយសកម្មភាពបម្លែងផែនដី (tectonic activities) និងសកម្មភាពភ្នំភ្លើងជាបន្តបន្ទាប់។ ស្រទាប់សម័យ Tertiary ដែលមានការលេចចេញលើដីគោកតិចតួច បានបង្កើតជាស្រទាប់ក្រាស់នៅបាតសមុទ្រ ហើយត្រូវបានចាត់ទុកថាមានសក្តានុពលខ្ពស់សម្រាប់ការស្វែងរុករកប្រេងនិងឧស្ម័ន។