ផែនទីភូមិគីមី

គម្រោងកិច្ចសហប្រតិបត្តិការរវាងចិននិងកម្ពុជា ស្តីពីការធ្វើផែនទីភូគម្ភគីមីដង់ស៊ីតេទាប មាត្រដ្ឋាន ១:១,០០០,០០០ ត្រូវបានអនុវត្តទូទាំងប្រទេសកម្ពុជា ចាប់ពីឆ្នាំ២០១៦ ដល់ ឆ្នាំ២០១៩។ គម្រោងនេះ បានសម្រេចជោគជ័យយ៉ាងសំខាន់ក្នុងការអភិវឌ្ឍវិធីសាស្ត្រនិងបច្ចេកវិទ្យាស្ទង់ភូមិគីមី ក្នុងតំបន់ព្រៃឈើត្រូពិច នៃតំបន់អាស៊ីអាគ្នេយ៍។

ទិន្នន័យភូគម្ភគីមីគុណភាពខ្ពស់សម្រាប់ធាតុចំនួន៧១ ត្រូវបានប្រមូលបានជាលើកដំបូងនៅទូទាំងប្រទេសកម្ពុជា ហើយផែនទីភូមិគីមីនៃធាតុទាំង៧១នេះ ត្រូវបានបង្កើតឡើង​ ហើយការបែងចែកលំហនិងការប្រមូលផ្តុំធាតុត្រូវបានកំណត់អត្តសញ្ញាណ ដែលផ្តល់ជាមូលដ្ឋានសំខាន់សម្រាប់ការសិក្សាភូមិសាស្ត្រ ការស្វែងរុករករ៉ែ ការវាយតម្លៃបរិស្ថាន ការប្រើប្រាស់ដី និងការស្រាវជ្រាវវិទ្យាសាស្ត្រ។ល។

ផែនទីភូគម្ភគីមីទាំងនេះបង្ហាញពីលក្ខណៈសាវតាភូមិគីមីនៃវត្ថុភូមិទន្តកូណិកផ្សេងៗ ទិន្នន័យភូគម្ភគីមីអំពីប្រភពសម្ភារៈបង្កើតរ៉ែ សម្រាប់ការវាយតម្លៃធនធានរ៉ែ ព្រមទាំងសាវតាភូមិគីមីបរិស្ថាន និងស្ថានភាពគុណភាពបរិស្ថានដីលើផ្ទៃធំ សម្រាប់គោលបំណងវាយតម្លៃបរិស្ថាន និងការប្រើប្រាស់ដី។