ផែនទីធនធានរ៉ែ
ទោះបីជាការស្វែងរុករកនិងស្រាវជ្រាវរ៉ែនៅមានកម្រិតក៏ដោយតែក៏បានបញ្ជាក់ថាប្រទេសកម្ពុជាមានរ៉ែមានតម្លៃនិងជំរករ៉ែ(occurrences)ជាច្រើនរួមមាន រ៉ែអង់ទីម៉ូន (Sb), ក្រូម (Cr), មាស (Au), ដែក (Fe), ម៉ង់ហ្គាណែស (Mn), ម៉ូលីបដិន (Mo), តង់ស្តែន (W), អាលុយមីញ៉ូម (Al₂O₃), ទង់ដែង (Cu), សំណ (Pb), ស័ង្កសី (Zn) និងស្តែន (Sn) ដែលជារ៉ែដែក (metallic minerals)។ លើសពីនេះទៀត ក៏មានធនធានរ៉ែឧស្សាហកម្ម ដូចជា ថ្មកំបោរ ថ្មខ្សាច់ ខ្សាច់ស៊ីលីកា ផូស្វាត និងថ្មឬស្រទាប់ដីផ្សេងៗ ព្រមទាំងថ្មអលង្ការ ដូចជា ថ្មទទឹម (Ruby) ផងដែរ។
ចំនួនទីតាំងរ៉ែដែកមានតម្លៃដែលត្រូវបានកំណត់អត្តសញ្ញាណ៖
- ២៦កន្លែង សម្រាប់រ៉ែដែកនិងរ៉ែ ferro-alloy
- ១៥កន្លែង សម្រាប់រ៉ែដែកទូទៅ (base metals) និង
- ២១ កន្លែង សម្រាប់រ៉ែមាស។
អ្នកជីករ៉ែបែបប្រពៃណី (artisanal miners) បានអនុវត្តសកម្មភាពជីកយករ៉ែពីទីកន្លែងទាំងនេះ ជាពិសេសរ៉ែមាស និងថ្មអលង្ការមកជាយូរមកហើយ។
