សេវាកម្ម
អគ្គនាយកដ្ឋានថាមពលរៀបចំ និងកំណត់គោលនយោបាយ ផែនការ យុទ្ធសាស្រ្ត បទប្បញ្ញត្តិ និងស្តង់ដារ ក្នុងវិស័យថាមពល ផ្នែកបរមាណូស៊ីវិល រួមទាំងវិទ្យុសកម្ម និងអគ្គិសនី។ អគ្គនាយកដ្ឋានថាមពលរៀបចំផែនការផ្គត់ផ្គង់ថាមពលរយៈពេលវែង កំណត់អាទិភាពសម្រាប់អគ្គិសនីភារូបនីយកម្ម និងថាមពលកកើតឡើងវិញ ព្រមទាំងបង្កើតគោលការណ៍ច្បាប់ និងក្របខណ្ឌបទប្បញ្ញត្តិ។ បន្ថែមពីនេះ អគ្គនាយកដ្ឋានថាមពលបង្កើនប្រសិទ្ធភាពលើការគ្រប់គ្រងសារធាតុវិទ្យុសកម្ម និងប្រភពវិទ្យុសកម្ម ប្រកបដោយសុវត្ថិភាព សន្តិសុខ តម្លាភាព និងគណនេយ្យភាព។ គំនិតផ្តួចផ្តើមថ្មីៗ និងនិយត្តកម្មក្រោមអាណត្តិរបស់ក្រសួងរ៉ែ និងថាមពល រួមមាន៖
តាមរយៈគោលនយោបាយជាតិស្តីពីធនធានរ៉ែឆ្នាំ២០១៨-២០២៨ ចក្ខុវិស័យរបស់រាជរដ្ឋាភិបាលកម្ពុជាសម្រាប់វិស័យរ៉ែគឺ “អភិវឌ្ឍន៍ធនធានរ៉ែដើម្បីប្រយោជន៍សង្គមនិងសេដ្ឋកិច្ច តាមរយៈអភិបាលកិច្ចល្អនិងទំនួលខុសត្រូវផ្នែកបរិស្ថាន”។ យោងតាមច្បាប់ស្តីពីការគ្រប់គ្រង និងការធ្វើអាជីវកម្មធនធានរ៉ែ ក្រសួងរ៉ែនិងថាមពលគឺជាស្ថាប័នទទួលខុសត្រូវលើការគ្រប់គ្រងធនធានរ៉ែ។ ក្រសួងមានតួនាទីក្នុងការត្រួតពិនិត្យ និងសិក្សាស្រាវជ្រាវភូមិសាស្រ្ត ចេញនិងត្រួតពិនិត្យអាជ្ញាប័ណ្ណស្វែងរុករក និងអាជីវកម្មធនធានរ៉ែ និងធានាការអនុលោមតាមស្តង់ដារសុវត្ថិភាព និងបរិស្ថាន។
ក្រសួងរ៉ែ និងថាមពល ជាស្ថាប័នមានសមត្ថកិច្ចគ្រប់គ្រងនិងត្រួតពិនិត្យរាល់សកម្មភាពក្នុងវិស័យប្រេងកាត ចាប់ពីផ្នែកអាប់ស្រ្ទីម ដល់ផ្នែកដោនស្រ្ទីម។ ក្រសួងមានតួនាទីរៀបចំ និងអនុវត្តគោលនយោបាយវិស័យប្រេងកាត ចេញលិខិតអនុញ្ញាតនិងអាជ្ញាបណ្ណ គ្រប់គ្រងប្រតិបត្តិការប្រេងកាត និងធានាអនុលោមភាពស្តង់ដារសុវត្ថិភាពនិងបរិស្ថាន។ ជាសសរស្តម្ភកណ្តាលនៃសន្តិសុខថាមពលជាតិ ក្រសួងក៏កំពុងខិតខំដឹកនាំអន្តរកាលឆ្ពោះទៅកាន់ការអភិវឌ្ឍឥន្ធនៈកាន់តែស្អាតនិងចីរភាព។ លើសពីនេះ ក្រសួងកំពុងជំរុញឱកាសវិនិយោគនិងធានាការគ្រប់គ្រងធនធានប្រេងកាតដោយការទទួលខុសត្រូវសម្រាប់ផលប្រយោជន៍រយៈពេលវែងរបស់ប្រទេសជាតិ។
ការងារទាំងនេះ ត្រូវបានអនុវត្តតាមរយៈ សកម្មភាពយុទ្ធសាស្រ្ត ដូចខាងក្រោម៖
