ទិដ្ឋភាពទូទៅ
អាជ្ញាប័ណ្ណរុករករ៉ែ អាចផ្តល់ជូនដល់បុគ្គល ឬនីតិបុគ្គលដែលមានលក្ខណៈសម្បត្តិ និងសមត្ថភាពគ្រប់គ្រាន់ក្នុងការធ្វើការរុករក និងវាយតម្លៃសក្ដានុពលនៃធនធានរ៉ែ។ អ្នកដាក់ពាក្យអាចដាក់ពាក្យស្នើសុំសម្រាប់ផ្ទៃដីមិនលើសពី ២០០ (ពីររយ) គីឡូម៉ែត្រក្រឡា។ អាជ្ញាប័ណ្ណនេះអាចបន្តបាន ២ ដង។ ក្នុងករណីពិសេស ការពន្យារពេលបន្ថែមអាចត្រូវបានផ្តល់ជូនដោយអនុលោមតាមនីតិវិធីដែលមានចែងក្នុងអនុក្រឹត្យលេខ ៧២ ។
- អាជ្ញាប័ណ្ណរុករករ៉ែលើកទី១៖ រយៈពេល ៣ ឆ្នាំ
- អាជ្ញាប័ណ្ណរុករករ៉ែលើកទី២៖ រយៈពេល ២ ឆ្នាំ
- អាជ្ញាប័ណ្ណរុករករ៉ែលើកទី៣៖ រយៈពេល ២ ឆ្នាំ
ដំណើរការដាក់ពាក្យស្នើសុំ
| ជំហានទី ១ | បំពេញទម្រង់បែបបទដាក់ពាក្យស្នើសុំពាក់ព័ន្ធ ដែល អាចទាញយក នៅទីនេះ ឬស្នើសុំដោយឥតគិតថ្លៃពីការិយាល័យច្រកចេញចូលតែមួយ នៃក្រសួងរ៉ែ និងថាមពល។ |
| ជំហានទី ២ | ដាក់ទម្រង់បែបបទស្នើសុំដែលបានបំពេញរួចរាល់ទៅការិយាល័យច្រកចេញចូលតែមួយក្នុងម៉ោងធ្វើការ ភ្ជាប់មកជាមួយនូវឯកសារដូចខាងក្រោម៖ - ផែនការសិក្សារុករករ៉ែ រួមមាន៖
- វិធីសាស្រ្ត
- កម្មវិធីការងារលម្អិត
- ថវិកាប្រហាក់ប្រហែល
- ជំនាញបច្ចេកទេស និងធនធានហិរញ្ញវត្ថុដែលមានស្រាប់។
- ប្រវត្តិរូបសង្ខេបក្រុមហ៊ុន។
- របាយការណ៍វាយតម្លៃបឋម របាយការណ៍ព័ត៌មាន ឬទិន្នន័យស្ទាបស្ទង់ពាក់ព័ន្ធ។
- របាយការណ៍វាយតម្លៃហេតុប៉ះពាល់បរិស្ថាន និងសង្គមបឋម (IESIA)។
- ច្បាប់ចម្លងវិញ្ញាបនបត្រចុះបញ្ជីពន្ធដារ ដែលមានការបញ្ជាក់ពីអាជ្ញាធរឃុំ សង្កាត់ និងស្រុក ខណ្ឌ។
- ច្បាប់ចម្លងលក្ខន្តិកៈក្រុមហ៊ុន ដែលមានការបញ្ជាក់ពីអាជ្ញាធរឃុំ សង្កាត់ និងស្រុក ខណ្ឌ។
- ច្បាប់ចម្លងវិញ្ញាបនបត្រចុះបញ្ជីពាណិជ្ជកម្មក្នុងព្រះរាជាណាចក្រកម្ពុជា ដែលមានការបញ្ជាក់ពីអាជ្ញាធរឃុំ សង្កាត់ និងស្រុក ខណ្ឌ។
- ច្បាប់ចម្លងវិញ្ញាបនបត្រពន្ធប៉ាតង់ឆ្នាំបច្ចុប្បន្ន ដែលមានការបញ្ជាក់ពីអាជ្ញាធរឃុំ សង្កាត់ និងស្រុក ខណ្ឌ។
- បង្កាន់ដៃបញ្ជាក់ការបង់ថ្លៃសេវាដាក់ពាក្យស្នើសុំ (១.០០០.០០០ រៀល)។
|
| ជំហានទី ៣ | - នៅពេលដែលពាក្យស្នើសុំ និងឯកសារគាំទ្រត្រូវបានពិនិត្យ និងបញ្ជាក់ថាពេញលេញ មន្ត្រីជំនាញនឹងចុះត្រួតពិនិត្យទីតាំងជាក់ស្ដែង ដើម្បីវាយតម្លៃពីភាពសមស្របនៃទីតាំងសម្រាប់គម្រោងស្នើសុំ។ បន្ទាប់ពីការត្រួតពិនិត្យ មន្ត្រីជំនាញនឹងរៀបចំរបាយការណ៍ និងដាក់ជូនដើម្បីពិនិត្យវាយតម្លៃ។
- អ្នកដាក់ពាក្យនឹងទទួលបានលិខិតឆ្លើយតបជាលាយលក្ខណ៍អក្សរ (យល់ព្រម ឬបដិសេធ) ក្នុងរយៈពេល ៤៥ (សែសិបប្រាំ) ថ្ងៃនៃថ្ងៃធ្វើការ គិតចាប់ពីថ្ងៃដែលក្រសួងរ៉ែ និងថាមពលទទួលបានពាក្យស្នើសុំពេញលេញ។
|
| ជំហានទី ៤ | បន្ទាប់ពីមានការយល់ព្រម អគ្គនាយកដ្ឋានធនធានរ៉ែ នឹងចេញលិខិតជូនដំណឹងទៅអ្នកដាក់ពាក្យដើម្បីមកទទួលអាជ្ញាប័ណ្ណ និងបន្តការបង់ថ្លៃសេវា និងកាតព្វកិច្ចហិរញ្ញវត្ថុផ្សេងៗ នៅនាយកដ្ឋានផែនការសេដ្ឋកិច្ចធនធានរ៉ែ។ |
សម្រាប់ព័ត៌មានលម្អិតបន្ថែម សូមយោងទៅ អនុក្រឹត្យលេខ ៧២ អនក្រ.បក ។
ថ្លៃសេវា និងកាតព្វកិច្ចហិរញ្ញវត្ថុ
- ថ្លៃអាជ្ញាប័ណ្ណ៖ ៣០.០០០.០០០ រៀល។
- ថ្លៃឈ្នួលដីធ្លី៖ ២០ ដុល្លារអាមេរិក ក្នុងមួយគីឡូម៉ែត្រក្រឡា
- ប្រាក់ធានាសម្រាប់ការងាររុករករ៉ែ៖ យោងតាមសេចក្តីណែនាំ លេខ ០០០១ ម.ស.ម.ថ.ប.ក្រ
សម្រាប់ព័ត៌មានលម្អិតបន្ថែមទាក់ទងនឹងកាតព្វកិច្ចហិរញ្ញវត្ថុ សូមយោងទៅ៖