មន្ទីរពិសោធន៍ភូគព្ភសាស្ត្រជាតិកម្ពុជា (NGLC) ផ្តល់សេវាវិភាគលើលក្ខណៈសម្បត្តិមេកានិក រូបវន្ត និងគីមីនៃសំណាកភូគព្ភសាស្ត្រ និងរ៉ែ ព្រមទាំងទឹករ៉ែបរិសុទ្ធ ដើម្បីកំណត់គុណភាព និងខ្លឹមសាររ៉ែស្របតាមស្តង់ដារខ្ពស់។
សេវាវិភាគ
- ការវិភាគភូគគីមី
- ការកំណត់អត្តសញ្ញាណថ្ម រ៉ែ និងត្បូងថ្ម (សេវានេះមិនទាន់មាននៅឡើយទេ)
- ការធ្វើតេស្តគុណភាពសម្ភារសំណង់ (ឧទាហរណ៍៖ ថ្ម ខ្សាច់ ថ្មដុំ)
ដំណើរការដាក់ពាក្យស្នើសុំ
| ជំហានទី ១ | អតិថិជន រួមទាំងក្រុមហ៊ុនរុករករ៉ែ និងអាជីវកម្មរ៉ែ ឈ្មួញ អ្នកស្រាវជ្រាវ និងសាធារណជនទូទៅ ដែលមានបំណងប្រើប្រាស់សេវាខាងលើ គួរសហការទំនាក់ទំនងតាមអាសយដ្ឋានដូចខាងក្រោម៖
មន្ទីរពិសោធន៍ភូគព្ភសាស្ត្រជាតិកម្ពុជា (NGLC) មានទីតាំងនៅផ្លូវលេខ ១៣៥ ភូមិខ្លាគូន ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។ |
| ជំហានទី ២ | - អតិថិជនអាចពិគ្រោះជាមួយបុគ្គលិកបច្ចេកទេសរបស់ មន្ទីរពិសោធន៍ភូគព្ភសាស្ត្រជាតិកម្ពុជា ដើម្បីកំណត់វិធីសាស្រ្តវិភាគ និងប៉ារ៉ាម៉ែត្រសមស្របបំផុតសម្រាប់សំណាករបស់ពួកគេ។
- សំណាកត្រូវតែដាក់ជូនទៅ មន្ទីរពិសោធន៍ភូគព្ភសាស្ត្រជាតិកម្ពុជា ភ្ជាប់មកជាមួយនូវទម្រង់បែបបទដាក់សំណាក (SSF) ដែលបានបំពេញ និងចុះហត្ថលេខារួចរាល់ (ទាញយក នៅទីនេះ) ។ ម្យ៉ាងវិញទៀត អតិថិជនអាចដាក់ទម្រង់បែបបទតាមអ៊ីនធឺណិតបាន។
- អតិថិជនត្រូវបន្តការបង់ប្រាក់ជាមុនទៅតាមថ្លៃសេវាសាធារណៈដែលកំណត់ដោយក្រសួងរ៉ែ និងថាមពល និងក្រសួងសេដ្ឋកិច្ច និងហិរញ្ញវត្ថុ។
- រយៈពេលបម្រើសេវាគឺចន្លោះពី ៧ ទៅ ៣០ ថ្ងៃនៃថ្ងៃធ្វើការ ដោយគិតចាប់ពីថ្ងៃដែលទម្រង់បែបបទដាក់សំណាកត្រូវបានចុះហត្ថលេខាលើការប្រគល់/ទទួលសំណាក។
|
| ជំហានទី ៣ | ប្រសិនបើលទ្ធផលវិភាគនៅក្រៅរង្វង់នៃការរកឃើញនៃវិធីសាស្ត្រដែលបានជ្រើសរើស អតិថិជននឹងត្រូវបានជូនដំណឹង។ មន្ទីរពិសោធន៍ភូគព្ភសាស្ត្រជាតិកម្ពុជា នឹងណែនាំវិធីសាស្ត្រដែលសមស្របជាងនេះ ប្រសិនបើមាន និងត្រូវបានទាមទារដោយអតិថិជន។ |
| ជំហានទី ៤ | វិញ្ញាបនបត្រនៃការវិភាគនឹងត្រូវបានចេញជូនអតិថិជនជាលាយលក្ខណ៍អក្សរ នៅ មន្ទីរពិសោធន៍ភូគព្ភសាស្ត្រជាតិកម្ពុជា និងជាទម្រង់ទន់ (soft copy/data file) តាមរយៈអ៊ីមែលដែលបានកំណត់។ |
ចំណាំ៖ រាល់ពាក្យបណ្តឹងទាក់ទងនឹងលទ្ធផលវិភាគត្រូវតែដាក់ជូនមន្ទីរពិសោធន៍ភូគព្ភសាស្ត្រជាតិកម្ពុជា ក្នុងរយៈពេល ១៥ ថ្ងៃនៃថ្ងៃធ្វើការ គិតចាប់ពីថ្ងៃចេញវិញ្ញាបនបត្រ។ មន្ទីរពិសោធន៍ភូគព្ភសាស្ត្រជាតិកម្ពុជា អាចរក្សាសំណាកដែលនៅសេសសល់ទុកបានរយៈពេល ៣ ខែ។ ចំពោះសំណាកទឹក រយៈពេលរក្សាទុកគឺ ១ ខែ គិតចាប់ពីថ្ងៃចេញវិញ្ញាបនបត្រវិភាគ។