អាជ្ញាប័ណ្ណអាជីវកម្មរ៉ែសិប្បកម្ម

ទិដ្ឋភាពទូទៅនៃអាជ្ញាប័ណ្ណអាជីវកម្មរ៉ែសិប្បកម្ម

អាជ្ញាប័ណ្ណអាជីវកម្មរ៉ែសិប្បកម្មអាចផ្តល់ជូនតែចំពោះបុគ្គលដែលមានសញ្ជាតិខ្មែរប៉ុណ្ណោះ ក្នុងគោលបំណងធ្វើការរុករក និងអាជីវកម្មធនធានរ៉ែដោយប្រើប្រាស់ឧបករណ៍ធម្មតាដែលមានក្នុងមូលដ្ឋាន និងកម្លាំងពលកម្មផ្ទាល់ខ្លួន ឬដោយមានជំនួយពីសមាជិកគ្រួសារ មិនឱ្យលើសពីប្រាំពីរ (៧) នាក់ឡើយ។

អ្នកអាជីវកម្មរ៉ែសិប្បកម្មអាចរុករក និងអាជីវកម្មធនធានរ៉ែដែលរកឃើញតែក្នុងស្ថានភាពធូររលុង នៅក្នុងដីល្បាប់ ក្រួស ខ្សាច់ ឬថ្មប៉ុណ្ណោះ ក្នុងតំបន់កំណត់ព្រំប្រទល់ដែលមានទំហំមិនធំជាងមួយ (១) ហិកតា និងជម្រៅអតិបរមាប្រាំ (៥) ម៉ែត្រ។

បច្ចុប្បន្ន អាជ្ញាប័ណ្ណអាជីវកម្មរ៉ែសិប្បកម្មស្ថិតនៅក្រោមការគ្រប់គ្រងរបស់រដ្ឋបាលថ្នាក់ក្រោមជាតិរាជធានី ខេត្តរៀងៗខ្លួន។

អ្នកដាក់ពាក្យដែលចង់ដាក់ពាក្យស្នើសុំអាជ្ញាប័ណ្ណអាជីវកម្មរ៉ែសិប្បកម្មអាចស្វែងរកព័ត៌មានបន្ថែមដោយយោងទៅ ប្រកាសលេខ ៣២១ ម.រ.ថ.ប.ក្រ ។