ទិដ្ឋភាពទូទៅ
អាជ្ញាប័ណ្ណអាជីវកម្មរ៉ែត្បូងថ្មអាចផ្តល់ជូនដល់បុគ្គល ឬនីតិបុគ្គលដែលមានលក្ខណៈសម្បត្តិ និងសមត្ថភាពចាំបាច់ ដើម្បីចូលរួមក្នុងការរុករក និងការធ្វើអាជីវកម្មត្បូងមានតម្លៃ ត្បូងមិនមានតម្លៃច្រើន និងថ្មលម្អ។
ដំណើរការដាក់ពាក្យស្នើសុំ
| ជំហានទី ១ | បំពេញទម្រង់បែបបទដាក់ពាក្យស្នើសុំពាក់ព័ន្ធ ដែល អាចទាញយក នៅទីនេះ ឬស្នើសុំដោយឥតគិតថ្លៃពីការិយាល័យច្រកចេញចូលតែមួយ នៃក្រសួងរ៉ែ និងថាមពល ឬពីមន្ទីររ៉ែ និងថាមពលរាជធានី ខេត្ត។ |
| ជំហានទី ២ | ដាក់ពាក្យស្នើសុំទៅក្រសួងរ៉ែ និងថាមពល តាមរយៈមន្ទីររ៉ែ និងថាមពលរាជធានី-ខេត្ត និងរដ្ឋបាលរាជធានី-ខេត្ត ដែលទីតាំងស្នើសុំអាជ្ញាប័ណ្ណស្ថិតនៅ ភ្ជាប់មកជាមួយនូវឯកសារដូចខាងក្រោម៖ - ច្បាប់ចម្លងលក្ខន្តិកៈក្រុមហ៊ុន និងវិញ្ញាបនបត្រចុះបញ្ជីក្រុមហ៊ុនក្នុងព្រះរាជាណាចក្រកម្ពុជា។
- ច្បាប់ចម្លងវិញ្ញាបនបត្រពន្ធប៉ាតង់បច្ចុប្បន្ន។
- ផែនទីទីតាំងស្នើសុំ ដែលមានការបញ្ជាក់ពីអាជ្ញាធរឃុំ សង្កាត់ និងស្រុក ខណ្ឌ។
- របាយការណ៍សិក្សាគម្រោង សម្រាប់គម្រោងស្នើសុំអាជ្ញាប័ណ្ណអាជីវកម្មរ៉ែ (រណ្ដៅបើកចំហ និងការដ្ឋាន) សម្រាប់ការរុករក (ប្រសិនបើមាន)។
- ផែនការផលិតកម្មស្របតាមសារាចរណែនាំស្ដីពីទម្រង់បែបបទ និងនីតិវិធីនៃការរៀបចំផែនការអាជីវកម្មរ៉ែសំណង់។
- កិច្ចព្រមព្រៀងការពារបរិស្ថាន (EPA) និងរបាយការណ៍វាយតម្លៃហេតុប៉ះពាល់បរិស្ថាន និងសង្គម (ESIA) ជាមួយនឹងវិញ្ញាបនបត្រអនុម័តដែលចេញដោយក្រសួងបរិស្ថាន (តាមការអនុវត្តជាក់ស្ដែង)។
- បង្កាន់ដៃបញ្ជាក់ការបង់ថ្លៃសេវាដាក់ពាក្យស្នើសុំ (១.០០០.០០០ រៀល)។
|
| ជំហានទី ៣ | - នៅពេលដែលពាក្យស្នើសុំ និងឯកសារគាំទ្រត្រូវបានពិនិត្យ និងបញ្ជាក់ថាពេញលេញ មន្ត្រីជំនាញនឹងចុះត្រួតពិនិត្យទីតាំងជាក់ស្ដែង ដើម្បីវាយតម្លៃពីភាពសមស្របនៃទីតាំងសម្រាប់គម្រោងស្នើសុំ។ បន្ទាប់ពីការត្រួតពិនិត្យ មន្ត្រីជំនាញនឹងរៀបចំរបាយការណ៍ និងដាក់ជូនដើម្បីពិនិត្យវាយតម្លៃ។
- អ្នកដាក់ពាក្យនឹងទទួលបានលិខិតឆ្លើយតបជាលាយលក្ខណ៍អក្សរ (យល់ព្រម ឬបដិសេធ) ក្នុងរយៈពេល ៤៥ (សែសិបប្រាំ) ថ្ងៃនៃថ្ងៃធ្វើការ គិតចាប់ពីថ្ងៃដែលក្រសួងរ៉ែ និងថាមពលទទួលបានពាក្យស្នើសុំពេញលេញ។
|
| ជំហានទី ៤ | បន្ទាប់ពីមានការយល់ព្រម អគ្គនាយកដ្ឋានធនធានរ៉ែ នឹងចេញលិខិតជូនដំណឹងទៅអ្នកដាក់ពាក្យដើម្បីមកទទួលអាជ្ញាប័ណ្ណ និងបន្តការបង់ថ្លៃសេវា និងកាតព្វកិច្ចហិរញ្ញវត្ថុផ្សេងៗ នៅនាយកដ្ឋានផែនការសេដ្ឋកិច្ចធនធានរ៉ែ។ ព័ត៌មានអំពីថ្លៃសេវាត្រូវបានផ្តល់ជូនដូចខាងក្រោម។ |
សម្រាប់ព័ត៌មានលម្អិតបន្ថែម សូមយោងទៅ ប្រកាសលេខ ០១០៩ ម.រ.ថ.ប.ក្រ
ថ្លៃសេវា និងកាតព្វកិច្ចហិរញ្ញវត្ថុ
- ថ្លៃសេវា (ការចេញអាជ្ញាប័ណ្ណ)៖ ១៥.០០០.០០០ រៀល
- ថ្លៃឈ្នួលដីធ្លី៖ ៥០ ដុល្លារអាមេរិក ក្នុងមួយហិកតា
សម្រាប់ព័ត៌មានលម្អិតបន្ថែមទាក់ទងនឹងកាតព្វកិច្ចហិរញ្ញវត្ថុ សូមយោងទៅ៖