ទិដ្ឋភាពទូទៅ
អ្នកកាន់អាជ្ញាប័ណ្ណរុករករ៉ែដែលមានសុពលភាព អាចដាក់ពាក្យស្នើសុំអាជ្ញាប័ណ្ណអាជីវកម្មរ៉ែឧស្សាហកម្មនៅក្នុងតំបន់ដែលគ្របដណ្ដប់ដោយអាជ្ញាប័ណ្ណរុករករ៉ែនោះ។
រយៈពេលដំបូងនៃអាជ្ញាប័ណ្ណអាជីវកម្មរ៉ែឧស្សាហកម្ម៖
- មិនត្រូវលើសពី ២១ (ម្ភៃមួយ) ឆ្នាំ ឬ
- ត្រូវស្មើនឹងអាយុកាលនៃគម្រោងអាជីវកម្មរ៉ែ (ប្រសិនបើតិចជាង ២១ ឆ្នាំ)។
- អាជ្ញាប័ណ្ណនេះអាចត្រូវបានបន្តពីរដង ដោយការបន្តនីមួយៗមិនលើសពី ១០ (ដប់) ឆ្នាំ។
- ក្នុងករណីពិសេស ការពន្យារពេលបន្ថែមអាចត្រូវបានផ្តល់ជូន ដោយអនុលោមតាមនីតិវិធីដែលមានចែងក្នុង អនុក្រឹត្យលេខ ៧២ ។
ដំណើរការដាក់ពាក្យស្នើសុំ
| ជំហានទី ១ | បំពេញទម្រង់បែបបទដាក់ពាក្យស្នើសុំពាក់ព័ន្ធ ដែល អាចទាញយក នៅទីនេះ ឬស្នើសុំដោយឥតគិតថ្លៃពីការិយាល័យច្រកចេញចូលតែមួយ នៃក្រសួងរ៉ែ និងថាមពល។ |
| ជំហានទី ២ | ដាក់ទម្រង់បែបបទស្នើសុំដែលបានបំពេញរួចរាល់ទៅការិយាល័យច្រកចេញចូលតែមួយ (OWSO) ក្នុងម៉ោងធ្វើការ ភ្ជាប់មកជាមួយនូវឯកសារដូចខាងក្រោម៖ - ផែនការអភិវឌ្ឍន៍គម្រោងអាជីវកម្មរ៉ែ។
- របាយការណ៍សិក្សាគម្រោង នៃគម្រោងអាជីវកម្មរ៉ែ។
- របាយការណ៍វាយតម្លៃហេតុប៉ះពាល់បរិស្ថាន និងសង្គម (ESIA) និងផែនការគ្រប់គ្រងបរិស្ថាន។
- ផែនការអភិវឌ្ឍន៍សហគមន៍មូលដ្ឋាន។
- ផែនការបិទអណ្តូងរ៉ែ និងស្តារនីតិសម្បទាបរិស្ថាន។
- បង្កាន់ដៃបញ្ជាក់ការបង់ថ្លៃសេវាដាក់ពាក្យស្នើសុំ (១.០០០.០០០ រៀល)។
|
| ជំហានទី ៣ | - នៅពេលដែលពាក្យស្នើសុំ និងឯកសារគាំទ្រត្រូវបានពិនិត្យ និងបញ្ជាក់ថាពេញលេញ មន្ត្រីជំនាញនឹងចុះត្រួតពិនិត្យទីតាំងជាក់ស្ដែង ដើម្បីវាយតម្លៃពីភាពសមស្របនៃទីតាំងសម្រាប់គម្រោងស្នើសុំ។ បន្ទាប់ពីការត្រួតពិនិត្យ មន្ត្រីជំនាញនឹងរៀបចំរបាយការណ៍ និងដាក់ជូនដើម្បីពិនិត្យវាយតម្លៃ។
- អ្នកដាក់ពាក្យនឹងទទួលបានលិខិតបដិសេធជាលាយលក្ខណ៍អក្សរ ប្រសិនបើគម្រោងស្នើសុំមិនត្រូវបានពិចារណាថាសមស្របសម្រាប់ក្រសួងរ៉ែ និងថាមពលគាំទ្រ ឬដាក់ជូនសុំការអនុម័តពីនាយករដ្ឋមន្ត្រី ដែលជាប្រធានក្រុមប្រឹក្សាអភិវឌ្ឍន៍កម្ពុជា។
|
| ជំហានទី ៤ | ប្រសិនបើគម្រោងត្រូវបានគាំទ្រ ក្រសួងរ៉ែ និងថាមពលនឹងចេញលិខិតស្នើសុំការយល់ព្រមពីនាយករដ្ឋមន្ត្រីដើម្បីពិនិត្យ។ អ្នកដាក់ពាក្យនឹងទទួលបានលិខិតឆ្លើយតបជាលាយលក្ខណ៍អក្សរ (យល់ព្រម ឬបដិសេធ) ក្នុងរយៈពេល ៤៥ (សែសិបប្រាំ) ថ្ងៃនៃថ្ងៃធ្វើការ គិតចាប់ពីថ្ងៃដែលក្រសួងរ៉ែ និងថាមពលទទួលបានពាក្យស្នើសុំពេញលេញ។
|
| ជំហានទី ៥ | បន្ទាប់ពីមានការយល់ព្រម អគ្គនាយកដ្ឋានធនធានរ៉ែ នឹងចេញលិខិតជូនដំណឹងទៅអ្នកដាក់ពាក្យដើម្បីមកទទួលអាជ្ញាប័ណ្ណ និងបន្តការបង់ថ្លៃសេវា និងកាតព្វកិច្ចហិរញ្ញវត្ថុផ្សេងៗ នៅនាយកដ្ឋានផែនការសេដ្ឋកិច្ចធនធានរ៉ែ។ |
សម្រាប់ព័ត៌មានលម្អិតបន្ថែម សូមយោងទៅ អនុក្រឹត្យលេខ ៧២ អនក្រ.បក ។
ថ្លៃសេវា និងកាតព្វកិច្ចហិរញ្ញវត្ថុ
- ថ្លៃសេវា (ការចេញអាជ្ញាប័ណ្ណ)៖ ១០.០០០.០០០ រៀល ក្នុងមួយឆ្នាំ
- គណនាតាមរយៈពេលសុពលភាពអាជ្ញាប័ណ្ណ (រហូតដល់ ២១ ឆ្នាំ)
- ថ្លៃឈ្នួលដីធ្លី៖ ៧ ដុល្លារអាមេរិក ក្នុងមួយហិកតា
សម្រាប់ព័ត៌មានលម្អិតបន្ថែមទាក់ទងនឹងកាតព្វកិច្ចហិរញ្ញវត្ថុ សូមយោងទៅ៖